影片
更多
2015-10-11
3388 浏览
其實，我好少係酒店中餐廳食飯，今晚黎到，主要因為朋友發現了一個討論區的post講到佢食任食大閘蟹的經歷。你認為一個正常人，好地地可以食幾多隻大閘蟹呢?轉頭再開估，講番今晚食乜先。我地黎到原因就係為大閘蟹，你可以去到幾盡？除左平時的清蒸大閘蟹外，呢度仲有凍食大閘蟹，麯酒浸大閘蟹，還有另一種較新奇的，清香龍井大閘蟹，最最最重要嘅原因，三隻種類都係all you can eat ，你食到幾多就幾多，仲要時間極長，六點到十一點，你要坐係到坐足五個鐘頭，玩足五個小時蟹腳都得。蟹粉燕液羹同即泡薑茶都會送一客俾你，除左任食大閘蟹，仲有咁吸引嘅嘢奉送，仲要係酒店裡面嘅餐廳，我真係有點難以致信。不過，對我黎講，呢個都係非常新的經驗，食大閘蟹都有任食仲要唔同種，我食完仲要不停推薦俾身邊不同的朋友同親戚。一坐低便有碗蟹粉燕液羹同你清清腸胃，蟹粉成碗都係，加上晶瑩剔透的燕窩係面，那個感覺高貴而霸氣，喜歡其蟹粉的濃味和粉燕液出神入化的配合，互補不足，不過，如果沒有粉燕液的味可能更raw更令我沉迷，就如澳門的蟹黃撈麵。先說說三種不同的大閘蟹，首先上嘅係麯酒浸大閘蟹，呢個感覺係最新穎新潮，凍蟹上的形式已經令人心醉，
其實，我好少係酒店中餐廳食飯，今晚黎到，主要因為朋友發現了一個討論區的post講到佢食任食大閘蟹的經歷。
你認為一個正常人，好地地可以食幾多隻大閘蟹呢?
轉頭再開估，講番今晚食乜先。
我地黎到原因就係為大閘蟹，你可以去到幾盡？
除左平時的清蒸大閘蟹外，呢度仲有凍食大閘蟹，麯酒浸大閘蟹，還有另一種較新奇的，清香龍井大閘蟹，最最最重要嘅原因，三隻種類都係all you can eat ，你食到幾多就幾多，仲要時間極長，六點到十一點，你要坐係到坐足五個鐘頭，玩足五個小時蟹腳都得。蟹粉燕液羹同即泡薑茶都會送一客俾你，除左任食大閘蟹，仲有咁吸引嘅嘢奉送，仲要係酒店裡面嘅餐廳，我真係有點難以致信。
不過，對我黎講，呢個都係非常新的經驗，食大閘蟹都有任食仲要唔同種，我食完仲要不停推薦俾身邊不同的朋友同親戚。
一坐低便有碗蟹粉燕液羹同你清清腸胃，蟹粉成碗都係，加上晶瑩剔透的燕窩係面，那個感覺高貴而霸氣，喜歡其蟹粉的濃味和粉燕液出神入化的配合，互補不足，不過，如果沒有粉燕液的味可能更raw更令我沉迷，就如澳門的蟹黃撈麵。
先說說三種不同的大閘蟹，首先上嘅係麯酒浸大閘蟹，呢個感覺係最新穎新潮，凍蟹上的形式已經令人心醉，蟹膏絕對雖然不是熱辣辣，但那感覺就如吃那些冷盤的龍蝦和麵包蟹般，而且麯酒淡淡在蟹的每一部分滲透，喜歡酒香特別會鍾意。
清蒸大閘蟹係絕對經典的長青方法，你冇理由唔試，呢度蒸得剛好，蟹肉和蟹膏隻隻氣勢強勁，食得很滋味，而且份量很足，每隻蟹膏都很肥美，就算連腳同鉗都好好食。
最後，當然係新玩法，由茶葉主導的清香龍井大閘蟹係最吸引的，茶香完全滲進大閘蟹中，完全係入味到震，連蟹肉蟹膏都有濃濃的蟹味，我最喜歡就係呢隻味。
食左咁多海鮮，也要食番少少菜類，蒜蓉炒西蘭花 ，酒店大廚的出品又怎會有閃失呢，我差點想要好似演唱會般叫encore。
飯友說一定要飲杯酒驅去蟹的寒意，於是他選了越州加飯酒 ，酒精濃度也算高，我只飲了一杯，加上話梅的感覺，酸酸甜甜，為黎緊嘅蟹粉宴磨拳擦掌。朋友係好吃之人，當然唔會剩食大閘蟹啦，蟹粉百花煎釀帶子 ，帶子係新鮮而不是雪藏貨色，入口香氣無限，師傅煎得勁香，然後將其帶子鋪上無限的蟹粉，爽口彈牙的帶子加上鮮嫩多汁的蟹粉，讓菜式達到色香味俱全、極致鮮味！
蟹粉扒豆腐，係另一個出色的菜式，蟹粉就簡單同較清的豆腐混合係一起，味道突出，我地最後食蟹粉食得太滋味，亦太想念牛記的蟹黃撈，於是叫了一個生麵，一個伊麵，各有千秋，配上蟹粉都係夾到不能自拔，食完一碗再一碗。
單尾的是蟹粉小籠包，以蟹肉為主的餡料滿滿的放進包內，又再用蟹粉點綴在小籠包之上，那個蟹粉撞蟹肉的鮮味是爆燈，唯點點壞處係個隻皮太薄，不用放入口時已經流出肉汁，於是一啖入口，如果慢嘗，感覺應該更好。
薑茶湯丸，不過我只嫌其薑不夠濃烈，如果佢有像佳佳的質素，我應該會再要多一碗。
其實今晚雖然有得任食，但也實在吃得不多，始終食蟹係一個享受，我見有幾枱都食個不停，起碼食到五六隻，不過我覺得量力而為才是重要，始終係寒涼食物，食野最重要食得開心，不是嗎？我相信又有蟹粉燕液羹同多款的蟹，每樣試少少都回本吧。剛剛開頭的問題，睇到黎度，如果任食，你可以食幾多，我今晚食左三隻。侍應同我地傾嘅時候，佢地多口同我地講有一男一女竟然食左三十八隻，原來有人可以食到咁盡，不過佢地只係食左蟹膏而冇食蟹腳蟹身.....
與其這樣辛苦自己又浪費食物，何必呢?為大閘蟹，你可以去到幾盡？我覺得，食得之福，還是要珍惜食物，咁樣唔係食得盡，咁樣係浪費到盡。同埋要試真呢幾隻味，係要慢慢品嘗，起碼，係出面食唔到麯酒浸大閘蟹同清香龍井大閘蟹，剩係食呢兩個都值回票價吧。
帝玉庭 Royal Park Chinese Restaurant
沙田白鶴汀街8號帝都酒店1樓
张贴
