家嫂一家大小

营业中

休息中

同事大大推介呢间无限时任食鸡煲、火锅，包括红白酒，饮品都系任饮所以立即约埋可个知己去试下，去之前睇下食评，见到有d负评，主要系投诉服务差，所以当刻有 d担心，最后…完全唔系果回事，相反地，每一位店员都好好服务，周不时主动问要唔要加海鲜，加白酒红酒，十分周到！如预约左的话，用餐前一晚会有 whatsapp 问要唔要预订雪燕椰皇，要唔要预留免费既花胶汤底，要唔要预订象拔蚌刺身，只要日一天通知，会安排妥当。环境方面，十分干净，阔落，唔会迫迫夹。入座后，店员马上送上餐前小食，如唔够的话可以再添，之后会端上热竦竦既鸡煲，鸡煲亦系任食！由于我地主攻海鲜，所以鸡煲都系少食😄然后就黎刺身【刺身系冇任食】， 刺身原来系时令，唔会话一定系d, 但都系好新鲜。品尝刺身后，就系主攻既海鲜锅喇，先讲讲呢度系冇 menu, 头轮会先上各类海鲜，但有d海鲜要主动问店员，例如蟹、鲍鱼等等，总之唔好怕丑主动问店员！海鲜样样都好新鲜除左海鲜，亦有其他各类火锅配料如饺子，牛、猪、菜、炸鱼皮、鲜竹……等等，多到食唔晒！饮品方面，有红、白酒，一支支既养生饮品，仲有要特登 order 既咸柠七既手工调制饮品仲有任食当日时令糖水！