影片
更多
2010-07-10
29 浏览
今日返公司OT, 打电话比姑姐一齐食LUNCH, 佢提议去IFC睇下有咩日本野食, 我就话: 不如去千両 啦上到去, 要等10张枱, 等左半个钟之后, 个NUMBER都只系过左3个.....由于心急要返公司做野, 我话: 等咁耐, 不如唔好等啦~就系我地转身走既时候, 个叫NUMBER 姐姐开始又叫NUMBER, 今次见到都几多人食完走于是我地又返返转头继续等, 好彩等多5分钟就有位 入千両, 我既习惯系睇一睇厨房果边 "是日精选" 既牌, 于是先叫左 "大和蚬汤" 同埋 "盐烧油甘鱼鲛"侍应话烧鱼鲛要等20分钟等位都等左咁耐啦, 坐系度等食又有乜所谓呢?! 系回转带度, 我姑姐先攞左 唔知乜乜沙律既寿司, 冇用心食, 所以都唔知食左D乜.....跟住我攞左帆立贝寿司今日D帆立贝 (定系咁0岩系果碟帆立贝既问题呢) 好似唔系好新鲜, 一般般然后系我喜爱既腐皮寿司最钟意佢腐皮大大块, 饭就细细旧, 腐皮好香甜, 正!然后我姑姐食左吉列大虾寿司, 只虾真系好大只, 切开左4件, 可惜我唔食得虾, 我姑姐就话食完已经饱左一半 个蚬汤黎啦... 劲失望.... 只系面鼓汤浸住几只蚬仔....蚬
上到去, 要等10张枱, 等左半个钟之后, 个NUMBER都只系过左3个.....
由于心急要返公司做野, 我话: 等咁耐, 不如唔好等啦~
就系我地转身走既时候, 个叫NUMBER 姐姐开始又叫NUMBER, 今次见到都几多人食完走
于是我地又返返转头继续等, 好彩等多5分钟就有位
入千両, 我既习惯系睇一睇厨房果边 "是日精选" 既牌, 于是先叫左 "大和蚬汤" 同埋 "盐烧油甘鱼鲛"
侍应话烧鱼鲛要等20分钟
等位都等左咁耐啦, 坐系度等食又有乜所谓呢?!
系回转带度, 我姑姐先攞左 唔知乜乜沙律既寿司, 冇用心食, 所以都唔知食左D乜.....
跟住我攞左帆立贝寿司
今日D帆立贝 (定系咁0岩系果碟帆立贝既问题呢) 好似唔系好新鲜, 一般般
然后系我喜爱既腐皮寿司
最钟意佢腐皮大大块, 饭就细细旧, 腐皮好香甜, 正!
然后我姑姐食左吉列大虾寿司, 只虾真系好大只, 切开左4件, 可惜我唔食得虾, 我姑姐就话食完已经饱左一半
个蚬汤黎啦... 劲失望.... 只系面鼓汤浸住几只蚬仔....
蚬汤真系唔应该用面鼓汤底啰, 仲要超咸, 盖过哂蚬既鲜甜味
我觉得理想既蚬汤只需要用新鲜既蚬, 清水, 加少少盐加D葱, 已经好好味
呢个汤真系好失败!!
之后烧鱼鲛就黎啦! 我同姑姐都O哂咀! 千両唔算系走平价路线既食肆, 但呢碟烧鱼鲛真系抵食之中既抵食!!!
$40 有好大块鱼鲛, 师傅切开左3件, 一上枱已经闻到好鬼香既烧鱼味~
我同我姑姐见到都流哂口水, 即刻夹黎食
刚刚烧好仲热辣辣, 件烧鱼鲛简简单单落D盐黎烧
外皮焦脆, D肉就好嫩滑, 真系好好好好好好好食
好食到我同我姑姐都不停话好好食! 好抵食!
食完件鱼鲛都仲好唔舍得D骨, 如果系屋企, 我谂我会系咁"算"系咁"算"
之后食左个冰糖蕃薯, 个人觉得干左D, 但我姑姐就话好似冰糖葫芦咁, 几得意
下次再去千両, 一定要食烧鱼鲛!!
张贴