Return Coffee House (已結業)

中午同同事第二次黎食呢间Cafe，上次黎饮杯mocha 觉得好好饮，为左杯咖啡再黎多次。今次叫左几个餐同同事Share食，可以个个都试下味。午餐价钱其实算贵，都要$90-$110一个餐，只包餐汤未包饮品。四色芝士焗蕃茄什椒螺丝粉 $92蕃茄味几浓，加埋淡淡的芝士味，几正。忌廉蘑菇蟹肉濶条面 $110呢个好够味，好香，碎蟹肉溶入左个濶条面入面，每淡都食到蟹肉。加上个汁打到好滑，食到停唔到，但系要衬热食，冻左结左唔好食。全日早餐 $118呢个其实无咩特别，价钱黎讲有点贵。材料分别有烟三文鱼、黑松露炒蛋、薯粒、蕃薯仔、烟肉。跟餐加$25之前饮过mocha 几好饮，但今次呢杯差左小小。