一樂燒鵝

营业中

休息中

睇食评好多都系写老板娘发皮四多过写食物，但凡事都要亲身体验吓方为真。lunch尾声两点嚟到，喺门口等咗一两分钟就有位。椅同椅之间距离浅窄，如果坐最入个客要走坐路口𠮶个要起身让路先够行。姐姐好有礼貌，笑容满面，百忙之中也能和熟客谈笑风生。纹身哥哥英文「luck luck」声，同样有礼。店员间气氛欢愉，老板娘也正正常常，没有传说中的经常爆seed。烧鹅饭，$50，分量都几足，两份鹅，但如果可以配条菜卖相应该可以更吸引。酸梅鹅酱要同伙记要求先会俾。因为一般鹅饭同鹅脾饭价钱都差几远($88)，所以都担心会俾啲好差嘅部位，但最终都唔差，我呢碟肉都算厚。朋友叫烧鹅濑就皮多过肉。我第一口食咗一片连肥膏嘅净皮，脆皮，肥，有啲骚，但我钟意。鹅腌料入味到入哂骨，但又唔会死咸，食完唔会口渴。自己建议配饭好过配濑，因为濑个汤令鹅皮冧咗，享受唔到个脆皮。