麵匠風龍

营业中

休息中

屯门牛最近多咗过海，既然去为良知发声，当然选择同声同气嘅餐厅我哋到达时大约12点半，店内已满座，而且有10几人排紧队，不过店内翻台速度极快，半小时便可入座。一齐点咗虾味噌拉面套餐$115，小食拣左饺子。点餐后几分钟已上齐，全部热辣辣。除咗拉面，面内嘅配菜有：樱花虾，半熟玉子，粟米，紫菜同葱。叉烧同饺子都系分上。先尝一口虾味噌汤底，有非常浓嘅虾膏味，汤底咸度适中，面条有咬口而且根根分明，挂上汤汁同樱花虾后鲜美无比。叉烧带有微焦，系上碟前煎过，再洒上青葱。由于煎香时将肥油逼出，因此食落唔会觉得油腻，花小小功夫已可大大加分同行朋友最like半熟玉子，蛋黄同蛋白都带少少流心。店内使用蛋味十足嘅日本蛋，食得十分安心。套装附上嘅饺子有4只，香脆而饱满。连汤都饮晒，再饮埋店内提供嘅冻麦茶，满足之余，又够钟出发去健行。或者有一日我哋会被禁足，但我相信店内同路人都唔会忘记呢个夏天，呢一句「香港人加油」。