影片
更多
2014-01-18
1564 浏览
咁为食既我~但又好懒既我~终于的起心肝写第一篇食评 *v*是日，系某d原因下，H先生竟然记得我之前讲过想试呢间野，于是乎终于有机会黎食luuu由于我处于双失既状态，所以可以早d去拎位(之前见过多人要等)我七半早少少先到，啊！唔驶等位㖞，仲得几台人(虽然佢都系得十几张台)好开心之下，系门口慢慢睇埋有咩食，先入去拣个靓位坐坐低之后，陆陆续续有人入黎(唔多)，见侍应都会主动拎餐牌比客人，唯独唔拎比我？？？可能我坐左角位又或者见我等人啦~~~唔紧要 八点零H先生终于到~拿拿声叫侍应比份MENU(佢都好似准备拎比我地)睇左一轮，H先生不嬲都无咩意见(或者佢知我太多野想食XD)，所以我每次都只好比a同b佢，叫佢拣。轻食：我见多数系d靓靓三文治/细细份既粉/toast/salad/waffle/特色饮品/咖啡茶/......(我见大部分sell轻食既餐店都系卖呢几样，不过重点系，几乎样样都系我最爱，哈)呢间SPADE都系差不多~ 一份主食，可另加饮品(under$30)/汤(每日一款)/炒雪糕(好多款呀)做set。仲有D toast 甜品等等等......由于系晚饭时间，净食toast对我呢讲，硬
是日，系某d原因下，H先生竟然记得我之前讲过想试呢间野，于是乎终于有机会黎食luuu
由于我处于双失既状态，所以可以早d去拎位(之前见过多人要等)
我七半早少少先到，啊！唔驶等位㖞，仲得几台人(虽然佢都系得十几张台)
好开心之下，系门口慢慢睇埋有咩食，先入去拣个靓位坐
坐低之后，陆陆续续有人入黎(唔多)，见侍应都会主动拎餐牌比客人，唯独唔拎比我？？？可能我坐左角位又或者见我等人啦~~~唔紧要
八点零H先生终于到~拿拿声叫侍应比份MENU(佢都好似准备拎比我地)睇左一轮，H先生不嬲都无咩意见(或者佢知我太多野想食XD)，所以我每次都只好比a同b佢，叫佢拣。
轻食：我见多数系d靓靓三文治/细细份既粉/toast/salad/waffle/特色饮品/咖啡茶/......(我见大部分sell轻食既餐店都系卖呢几样，不过重点系，几乎样样都系我最爱，哈)
呢间SPADE都系差不多~ 一份主食，可另加饮品(under$30)/汤(每日一款)/炒雪糕(好多款呀)做set。仲有D toast 甜品等等等......
由于系晚饭时间，净食toast对我呢讲，硬系唔太夹，一定要食正餐~
但如果食完正餐再加个toast又一定食唔哂，所以今次无缘啦(唯有等下次)
两份主食要左卡邦尼吸管面(但黎果时变左意粉既???)同三文鱼墨汁包(其实d名我唔太记得)
由于第一次食，咩都想试，所以我好贪心咁，两个都加哂饮品、汤同炒雪糕
卡邦尼 around $70，三文鱼墨汁包 around $40，另再加
1款: +$20
2款: +$35
3款: +$45
埋单都二百多d~~~ (呢度系自己出去counter点餐)
之后佢会比个牌你，整好就会送去你台。服务员都好贴心，问我雪糕系咪后上~ good!
先黎两杯野饮~ H先生只爱冻饮，叫左杯iced latte比佢~ 我就要左杯flat white(L)~ 两杯都要另再加钱
我一向都觉得呢类咖啡太苦(我知系我唔识饮) 不过连H先生都觉得杯iced latte偏苦(佢系饮野唔落糖/落好少)但系饮得出好醇同好香浓既咖啡味(即使系iced)
至于杯flat white，拉花好靓，我应该系为左个拉花先叫-___-' 嘻~~
一入口已经系微温，其实系咪都系用冻奶冲？？但我饮过其他又系热架啵面头d奶泡好滑，我落左包半糖(d专业饮咖啡既人应该觉得我哂左杯野)，ok la
再黎就系南瓜汤啦~ 救命呀~~~~呢个真系好好饮!!!!!!!!!H先生都大赞~~
成个汤都充满南瓜茸，好rich，个味又岩岩好(无就咁食木瓜果种怪味/同埋我唔好木瓜架)
到主食~个三文鱼墨汁包真系麻麻地，入边既料其实都新鲜，只系个「墨汁包」一d都唔松软，又唔系脆，又唔系法包果只，而且无味，系真系无味，食方包都有少少奶香味，呢个真系乜都无，有d失望。
卡邦尼系我最爱之一，呢间整得唔错，面质有弹性有咬口，d汁又够creamy，咸淡适中，每一条意粉都沾到d汁，好好食呀。(我唔记得影呢个><)食哂野，就可以上炒雪糕。之前次次都食唔到(其他间)，终于第一次食就比左SPADE~
佢D炒雪糕真系好多款，拣左两只~ sor，我真系唔记得左个名。
所以睇图~
白色既好好食(偏甜)，花生酱真系超夹，仲有d oreo定brownie，又唔记得tim，炒埋一齐正!黑色既都ok(偏苦)，明明系朱古力，但佢朱古力味唔出，食落亦唔够rich，配料冇白色既咁夹，所以就差少少了。不过炒雪糕有得跟set要埋，其实价钱算好抵，其他店净炒雪糕都卖得好贵!
食满$250 可以申请做会员，有9折优惠。我张单得二百多d，唔够，咁岩隔离台走左，见有张单㖞，我就拎左过黎 ，做埋member(好似要一星期内累积消费满$250)
佢地menu上介绍系香港本地自己开办架，食物方面睇得出有心既。
我下次要set应该跟汤同炒雪糕就好了~~~~~
多谢大家~ 原来我都几长气
张贴
