影片
更多
2014-04-08
2307 浏览
今年二月份知道北角新光戏院隔离o既13座牛杂,因为租约期满需要三月底结业,当时已经谂住揾时间去试下呢档牛杂,因为咁耐都未试过 认识呢间牛杂系因为旧年四月底睇到新闻,话为食廉政专员「贪汤」叫o的下属o系返工时间专程去呢间13座牛杂,用纳税人o的钱分两次豪扫共$1600牛杂及鱼蛋招待客人 ,真系巴之闭! 好多人都因为睇完呢单新闻后认识13座牛杂 牛杂佬父亲以前系用手推车卖牛杂,每晚都会停泊手推车o系柴湾邨第13座,九年前就o系新光戏院隔离开设呢间牛杂小食店经过传媒报导后,通常食肆执笠前一,两日都会好多人帮衬,仲可能提早卖晒关门添! 唔想去到最后机会时先买唔到牛杂,我就o系三月中有一日放工后去北角,当晚大约 7:30pm 去到13座牛杂,见到大约10个人排队买野,我谂唔算特别多人,排左5分钟就轮到我买13座牛杂一o的都唔平,因为被为食廉政专员食到贵晒 ,而家一串$10,细碗$40,大碗$60 ,价钱会贵过其他卖牛杂o既小食店,不过我从未食过呢间牛杂,好多人都话好好食,平时我又好少机会食牛杂,咁就豪一次用$40买碗细o既返屋企啦! 买牛杂其中一种乐趣系可以听到牛杂佬用把剪刀剪细牛杂
认识呢间牛杂系因为旧年四月底睇到新闻,话为食廉政专员「贪汤」叫o的下属o系返工时间专程去呢间13座牛杂,用纳税人o的钱分两次豪扫共$1600牛杂及鱼蛋招待客人 ,真系巴之闭! 好多人都因为睇完呢单新闻后认识13座牛杂 牛杂佬父亲以前系用手推车卖牛杂,每晚都会停泊手推车o系柴湾邨第13座,九年前就o系新光戏院隔离开设呢间牛杂小食店
经过传媒报导后,通常食肆执笠前一,两日都会好多人帮衬,仲可能提早卖晒关门添! 唔想去到最后机会时先买唔到牛杂,我就o系三月中有一日放工后去北角,当晚大约 7:30pm 去到13座牛杂,见到大约10个人排队买野,我谂唔算特别多人,排左5分钟就轮到我买13座牛杂一o的都唔平,因为被为食廉政专员食到贵晒 ,而家一串$10,细碗$40,大碗$60 ,价钱会贵过其他卖牛杂o既小食店,不过我从未食过呢间牛杂,好多人都话好好食,平时我又好少机会食牛杂,咁就豪一次用$40买碗细o既返屋企啦!
买牛杂其中一种乐趣系可以听到牛杂佬用把剪刀剪细牛杂o既 "习习" 声,十分过瘾! 牛杂佬问我想要边款牛杂,最初我觉得有o的奇怪,买得一碗牛杂唔系每个内脏部位都会有o的咩,唔知点解要食客选择乜野部位,由于每款都想试下,就叫牛杂佬每样都俾o的啦! 事后谂返应该唔好要萝卜,因为低本好低
当每款牛杂剪好细细件之后,牛杂佬都讲究清洁卫生,盖好碗盖,抹去碗侧边o的汁先放入胶袋,之前睇到排我前面o既哥哥叫牛杂佬俾o的芥辣及辣椒酱,所以我都要求呢o的酱料,如果唔系佢地唔会主动放入胶袋 ,酱料已经入好o系个胶杯,食客可以按个人喜好落合适份量
呢碗牛杂拎到返屋企就大家一齐食,呢间牛杂内脏都算洗得干净,食唔出异味
牛杂好多部位都有,例如牛肚,小肠,大肠,牛肺及牛膀,每款都有几件,另外仲有两件萝卜添! 将牛杂加o的芥辣一齐食,味道相当唔错! 卤水汁够浓,不过稍嫌牛杂佬俾得唔够卤水汁
牛肚煮得够淋入味;小肠有白色o既油脂,若果热辣辣时候食系最好,当晚拎到返屋企已经唔够热,变左油脂有o的凝结 ,小肠又唔系成日食,间中食少少都无妨;大肠都系有肥膏;牛膀几淋,起沙,食落系粉状感觉;牛肺烟韧;萝卜都算炆得淋,吸左卤水汁几好食
呢间13座牛杂o系 OpenRice 获得超过100个好评,可谓实至名归,今次结业令大家无奈!
为食廉政专员「贪汤」叫o的下属去豪扫牛杂及鱼蛋 ,真系会食到o的野贵晒 ,业主就系睇见牛杂佬有西装友大豪客帮衬,唔大幅加租真系对唔住自己! 现实就系咁残酷,好多报导都话牛杂佬难敌高昂租金结业,我相信牛杂佬其实已经发左 ,只不过唔想赚埋o的钱拎晒去交贵租,为左啖气索性唔做! 究竟牛杂佬系唔系唔再揾地方开档,呢个真系一个谜,只可以话大家后会有期!
张贴
