極之好粥麵茶餐廳 (已結業)

去旺角突然想食炒公仔面，就谂起呢度喇，两点几都仲有午餐，可惜系唔包炒公仔面，所以唯有另外叫喇！我地叫左一碟咖喱三丝炒公仔面同越式大碗饭午餐。炒公仔面其实即系星洲炒米，只系将米粉换成炒公仔面。面炒得够干身，料亦好足，卖相唔错。不过佢既调味落得几重，味道偏咸，岩晒口味重既人。同埋真系好辣，辣到要用白饭黎中和返！另外个越式大碗饭套餐有四样𩠌，包括鸡翼，春卷，扎肉同猪扒。所有𩠌都炸到好干，感觉几热气，而条春卷好明显系中式唔系越式，不过算啦，味道都ok既。同埋唔知点解碗饭一啲汁都冇，完全系白饭，加上咁干既𩠌，个人就觉得麻麻地喇，或者可能要自己落豉油吧！套餐可以免费叫特式饮品，我拣左柚子红茶，第一次咁既配搭都几得意！另外呢度既大叔待应会帮你洗埋只碗，都几细心！暂时都未食过比呢度好食既炒公仔面，下次想食都应该会再黎！