為食龍 (已結業)

今日收工之后食埋晚餐先走，去左中环Soho区既为食龙，餐厅系大馆附近，入口系地下，隐藏系长自动扶手电梯后面。餐厅两层高，地下系厨房同立食区，一楼有位坐。入到餐厅，店员先俾个数字牌我，然后就自己上楼梯再由店员带位。见到装修以近排好hit既恐龙为主题。为食龙主打日式腐皮寿司。除左日式腐皮寿司，呢度仲有刺身，特式卷物，沙律，饭团，炸物，小食，芝士，饭及乌冬，甜品，同饮品。呢度都有酒饮。用餐时间90分钟。由于今日较为饱，所以叫左轻食。吞拿鱼三切 $145 另加一三块赤身好厚身，质素唔错。和风水晶刺身沙律 $146 另加一和风水晶刺身沙律系三色海藻垫底，上面有三文鱼，油甘鱼，吞拿鱼刺身粒捞咗大量沙律酱，再加d水晶丝同蟹籽系上面。呢款沙律味道都唔错，好够味。鱼多过菜。黑松露带子腐皮寿司 $38 另加一炙烧蟹膏厚烧玉子腐皮寿司 $34 另加一带子上面同下面都加咗黑松露酱，黑松露味够。带子质素正常，如果厚身啲会更好。腐皮薄身，其实系似平时食𠮶啲腐皮。蟹膏带有鲜甜蟹膏味，厚烧玉子加上沙律酱，原来下底仲有一片火炙芝士。餐厅气氛轻松，播放西方pop music。