影片
更多
2023-05-27
10 浏览
铜锣湾呢栋大厦好多高质日本野食，食过几次都好唔错，今晚又揾到间正。吞拿鱼、𩽾𩾌鱼肝其实唔系个个岩食，但呢度煮得几好冇怪味，平时少食都接受到，甜薯好松软。第一次见刺身三点系组合埋一齐，原来都几夹。 牡丹虾上面放左黑鱼子同吞拿鱼，全部都好新鲜，豉油都唔使点，好甜。虽然只有薄薄一片和牛放在沙律上面，但系存在感都好大，好有油香，为今晚嘅和牛之旅打开序幕。鹅肝茶碗蒸好得意，佢绝对唔系饱肚嘅蒸蛋，而系好似泡泡蛋花汤咁，饮落好轻盈。烧帆立贝真材实料，切开咗两半都仲系好厚肉清甜，有喺鱼市场食紧日本海产嘅水准。炭熏牛舌芯好有惊喜，作为其中一道菜竟然有足两大块牛舌芯扒，厚身Q弹，媲美喺日本食到嘅牛舌专门店。紫苏二重烧牛肉卷除咗牛之外，仲加咗紫苏叶同渍物，渍物索索声口感好突出，两种香味同和牛好夹。寿喜烧加左酒我觉得有加分，整体用料同味道好完整，因为牛都好靓，如果可以配埋蛋点下就更好。A5和牛扒油花好靓，轻轻烧左两面就上得，净系睇表面光泽就知好食。 和牛熟度岩岩好，肉汁丰盈。 厨师毫不手软咁洒左大量乌鱼子，好香口。梅子冷素面虽然睇落好清咁，但味道一啲都唔单调，面汁本身酸酸甜甜好清爽，另外配有梅子酱，雪到好冰冻
吞拿鱼、𩽾𩾌鱼肝其实唔系个个岩食，但呢度煮得几好冇怪味，平时少食都接受到，甜薯好松软。
第一次见刺身三点系组合埋一齐，原来都几夹。 牡丹虾上面放左黑鱼子同吞拿鱼，全部都好新鲜，豉油都唔使点，好甜。
虽然只有薄薄一片和牛放在沙律上面，但系存在感都好大，好有油香，为今晚嘅和牛之旅打开序幕。
鹅肝茶碗蒸好得意，佢绝对唔系饱肚嘅蒸蛋，而系好似泡泡蛋花汤咁，饮落好轻盈。
烧帆立贝真材实料，切开咗两半都仲系好厚肉清甜，有喺鱼市场食紧日本海产嘅水准。
炭熏牛舌芯好有惊喜，作为其中一道菜竟然有足两大块牛舌芯扒，厚身Q弹，媲美喺日本食到嘅牛舌专门店。
紫苏二重烧牛肉卷除咗牛之外，仲加咗紫苏叶同渍物，渍物索索声口感好突出，两种香味同和牛好夹。
寿喜烧加左酒我觉得有加分，整体用料同味道好完整，因为牛都好靓，如果可以配埋蛋点下就更好。
A5和牛扒油花好靓，轻轻烧左两面就上得，净系睇表面光泽就知好食。 和牛熟度岩岩好，肉汁丰盈。 厨师毫不手软咁洒左大量乌鱼子，好香口。
梅子冷素面虽然睇落好清咁，但味道一啲都唔单调，面汁本身酸酸甜甜好清爽，另外配有梅子酱，雪到好冰冻好开胃。
甜品本身话系生果雪糕，都冇乜期望，估唔到有开心果味雪糕同蜜瓜，蜜瓜甜到入心，好满足。
张贴
