丸亀製麵 (淘大商場) (已結業)

晚上收工揾食！时间已经9点几！都怕已经截单！之前在其他分店食过！去到无乜客人！望下其他客人！发现呢度系自助式！先去柜台拣好面，攞咗之后再自己夹配料！最后先比钱！店员只负责煮！手脚快但无乜交流！比咗就算，唔会理客人！比较冷漠！比钱之后系个调味吧！可以自己落葱或七味粉！有埋免费水！可拣冷热水！可惜两壶热水已经无晒！只可以饮室温水！之后齐食物就揾位坐低食！桌面都几污糟！不过阿姐已经好快手抹！只系其他人食得污糟！温泉蛋乌冬：乌冬粗身弹牙，有少许咬口，温泉蛋好滑！味道浓郁！我加了好多葱花及炸衣！增加香味同口感！蕃薯天妇罗：炸浆太厚，可能炸好又放耐咗！所以较硬！蕃薯本身嘅甜味都有！点浓厚天妇罗酱食好味！竹轮：即鱼蛋，虽然好长，但只有一半，幸好炸得唔干！烟韧又脆！好味！梅子饭团：见细细个，梅子又唔系好多地方有！包装比较求其！打开卖相又唔错！红黑配！梅子酸味味加米饭嘅烟韧！连埋紫菜食好味！食物唔错！不过指示唔够清楚！对初次帮衬嘅客人（即系我）比较迷茫！一系叫员工留意下啲唔清楚规矩嘅客人！指引下都好呀！虽然佢哋服务勤快！