一鍋堂 (XX Arcade) (已結業)

市面上好多打边炉专门店，今次拣咗一锅堂，完全冇后悔，值回票价！同男朋友2个，叫左个鸳鸯汤底，一个系蕃茄牛粒汤，一个系冬阴公汤。送个汤底嚟嘅时候，已经闻到一阵好香嘅冬阴公汤味，两个汤都好浓，仲要d牛肉粒真系大大粒，而且仲有唔少数量，汤底10分足料！等嘢食嘅时候，就用手机app落单，好方便！一锅堂嘅饮品，除咗罐装饮品可以选择，就系有我最钟意饮嘅冰糖炖柠檬，第一次打边炉有得拣呢种饮品，啱晒平时要用声嘅我。佢仲有洛神花茶，木墩果茶可以拣，仲好贴心咁写清楚边类人士唔饮得添，呢三种饮品都系自家制，真系佢先有。到咗食物方面，佢嘅选料都比较特别，我哋叫咗手打孜然鸡丸，芥末鱼皮饺，呢啲都系自家制的，出边食唔到！仲有佢有几款海鲜可以拣， 啲海虾真系好肥好大只，仲啖啖肉！肙埋佢有花胶可以叫，回哂本！最后佢嘅甜品都系冇得输，除咗乳酪之外，佢仲有唔同嘅甜点，细细份，唔会太饱！总体来讲，食物质素高质，环境舒服，点餐都好快嚟到，食物种类又多，真系好正！