老三火鍋雞煲海鮮放題

营业中

休息中

打边炉大家食唔少，鸡煲都唔系特别新意。不过今次呢间老三火锅，都可以值得介绍俾大家去食。全包连加一都唔使三旧水，冇时间限制，呢个就系最好嘅卖点。𠮶日上到去，人头涌涌，差唔多全场坐满，我哋一大班人，老细俾咗间房我哋，讲嘢大声啲都唔怕。先嚟个鸡煲，唔会太惊喜，食完就叫伙记加汤打边炉。每枱送一个海鲜拼盘，有鲍鱼、元贝、蛏子、生蚝、虾同蚬，都新鲜，不过呢盘系一次过，唔系任叫。其他嘅食物例如肥牛、豚肉、各式肉丸都系任叫任食。免费饮品，种类繁多，饮到你唔饮。𠮶晚6点几坐到差唔多10点，饮饱食醉，开开心心咁捧住个肚离开。