影片
更多
2023-08-22
3544 浏览
友人趁暑假回港探亲，当然想食D外国无咁易食到嘅菜式，就等我今日带佢去”威威”啦。就系呢度啦，号称香港烤鱼界天花板最受欢迎烤鱼店 。门口长期有客等紧位，好彩有得坐著等。店内装饰走夜店风，友人话点谂到烤鱼店好似落咗夜场咁，难怪咁受年轻人欢迎，成为佢地必打卡网红热点店。网评呢度可以媲美深圳探鱼的烤鱼，友人未食已相当兴奋。黎呢度食烤鱼，今日跟住呢三步曲就可以(一) 选鱼 : 三选一要咗最贵嘅江团鱼 ($329)(二) 选口味 : 毛血旺烤鱼 (另加$30) (三) 选烤鱼配菜 : 莴荀片 (8月优惠12:00 - 17:00，可以任食配菜)未食烤鱼前，有串烧及其他餐前小食，呢客铁板包浆豆腐 ($39)系其中一款。一口豆腐煎成外脆内软，面头再洒上香蒜，菜甫及葱粒，可选辣度 (要咗BB辣)，咁嘅组合，仲唔够惹味咩?!食浓味食物，点可以无冻饮呀?! 除咗汽水啤酒外，仲有几款特色冻饮，今日呢杯至尊水果茶 ($43)，打咭骗LIKE无难度，多款果肉，解辣下火之选。烤鱼送到，超大盘，滚起就食得。未见条鱼，先见午餐肉，青瓜，莲藕片等，堆得满满。之后再见到有黑栢叶，鸭血及黄喉及大荳芽，材料丰富。团江鱼
就系呢度啦，号称香港烤鱼界天花板最受欢迎烤鱼店 。门口长期有客等紧位，好彩有得坐著等。
店内装饰走夜店风，友人话点谂到烤鱼店好似落咗夜场咁，难怪咁受年轻人欢迎，成为佢地必打卡网红热点店。网评呢度可以媲美深圳探鱼的烤鱼，友人未食已相当兴奋。
黎呢度食烤鱼，今日跟住呢三步曲就可以
(一)
选鱼 : 三选一要咗最贵嘅江团鱼 ($329)
(二)
选口味 : 毛血旺烤鱼 (另加$30)
(三)
选烤鱼配菜 : 莴荀片 (8月优惠12:00 - 17:00，可以任食配菜)
未食烤鱼前，有串烧及其他餐前小食，呢客铁板包浆豆腐 ($39)系其中一款。
一口豆腐煎成外脆内软，面头再洒上香蒜，菜甫及葱粒，可选辣度 (要咗BB辣)，咁嘅组合，仲唔够惹味咩?!
食浓味食物，点可以无冻饮呀?! 除咗汽水啤酒外，仲有几款特色冻饮，今日呢杯至尊水果茶 ($43)，打咭骗LIKE无难度，多款果肉，解辣下火之选。
烤鱼送到，超大盘，滚起就食得。
未见条鱼，先见午餐肉，青瓜，莲藕片等，堆得满满。
之后再见到有黑栢叶，鸭血及黄喉及大荳芽，材料丰富。
团江鱼先煎香先再放入汤底煮，食起黎无腥味，肉多骨少，无咩细骨。一路滚住，每一啖肉都系热辣辣。
一有麻辣汤底，总要食鸭血，滚完都无散开，口感有D似食紧果冻。
食到尾段时，加份烤馒头 ($15)，一串一个，切开一半。
将香甜炼奶倒上馒头上，热辣辣外脆内松，少少地作为甜品都唔错。
张贴
