美好年代 (已結業)

难得黎到铜锣湾，我呢个台湾饮料既忠实粉丝，即刻黎帮衬下美好年代，得一个人无得试下美好年代最闻名既珍珠奶茶梳乎厘班戟，唯有试下强烈推介既烤布蕾波波茶。佢个黑糖挂杯挂得好靓，上层有芝士奶盖和炙烧黑糖，味道香甜。第一次嗌左个甜度正常的试下，有啲偏甜，怕甜的朋友可选半甜，可能会好啲。珍珠既口感啱啱好，烟烟韧韧，食落有黑糖味，唔会话煮得太耐太淋或者煮得唔够时间太硬。我觉得净系系黑糖珍珠同芝士奶盖呢2者方面已经足以令我下次经过再帮衬佢，不过下次甜度方面真系要减减，可能整体既感觉会更加好!