烤焗工房 (已搬遷) 新店位置

虽然自己有时间都会揾机会走到黎葵广揾食，但系啲较为入少少既位置又真系冇行到去过，今次会有心走过黎都系因为朋友，而且最重要既系，我见到人地食薯条。薯条对我既吸引力其实都唔细，所以我就沿住啲人拎住薯条既方向，黎到呢一间烤焗工房。店如其名，都主要系卖烤焗既野，而主打既除左薯条之外，就轮到佢啦！佢就系轰炸大鱿鱼。佢有几轰炸就真系要点左黎食先知。一般对住炸鱿鱼呢啲，我最怕佢多炸粉，但系呢一度既鱿鱼又冇啲咁既事发生架呙。炸粉相对上佢落得比较少，唔会令人觉得食紧炸粉多过食鱿鱼，冇喧宾夺主既感觉。而佢除左咁样之外，仲有唔同既口味可以选择，而我就选左蒜香味，食落去蒜味不重，但就添上左少少香味。要讲鱿鱼既话，佢系原只大大只咁，所以其实食落去都要比少少牙力咬开佢。但总括黎讲佢比其他地方炸得好食。