漢龍雞煲烤魚

营业中

休息中

今晚帮衬呢一间鸡煲专门店原本真系谂住食麻辣鸡煲，点知坐低见隔离枱个烤鱼好似好正咁，所以我就转轪食烤鱼。呢度嘅烤鱼有两种鱼可以选择，分别系海鲈鱼同埋清江鱼，我就点了海鲈鱼，$288一条，都几大条。当个汤底一滚起就好香，主要系D汤底配料嘅香味，条海鲈鱼都几有鲜味，而且D肉都几滑，同埋都比想像之中入味。条鱼食到七七八八就叫其他野打边炉，因为两个人食晒成条鱼都真系几饱，所以我地都系叫多咗少少野。先来个韭菜饺，饺入面D韭菜都几香，呢个饺味道唔错。因为唔想食公仔面，所以我地就叫咗一份红薯粉，其实红薯粉同烤鱼煲都几夹，D红薯粉索晒D味好正。最后仲要多份菜。