雙辣 (已結業)

夜晚屯門睇完戲，出面落到🐶💩咁，咁就去gogo mall睇吓有咩食，見到有間食雞煲 烤魚咁，呢頭都比較少見，所以就入去試吓佢😙咁雞煲同烤魚之間，就揀咗烤魚食，要咗江團魚同酸菜湯底，佢有一個電磁爐滾住食，入面有非常多配料，粟米，菇，芽菜應有盡有👍🏻江團魚都幾肥美，食到淡淡魚油清香，肉質亦都好嫩滑☺️同個湯底都好夾下另外都叫咗個小菜，黃金蝦球，啲蝦都幾大隻下，又夠爽口，又唔使剝殼，個咸蛋又較得啱啱好，都幾好食😋份量亦都唔少叫咗個菜飯一齊食，整咗個酸菜湯飯😘整體呢間餐廳都係唔錯，想食烤魚想會再想嚟呢度食😚