小魚兒 (寶漢大廈) (裝修中)

临近农历新年就好多饭局 今日约左朋友系铜锣湾等 谂住去到再拣食咩 早左到就去咗铜锣湾广场行下 一岀返马路就见到好大个牌写住小鱼儿 劲吸精！所以就同朋友决定试下🥰上到去都好企理 员工都好有礼貌 佢叫得做小鱼儿无理由唔试下佢嘅鱼 所以就叫左个黄金蒜香豆花海鲈鱼 加左宽粉同薯仔片 额外再加左个四款配菜嘅冒菜😜个鱼好快就上到枱 职员帮手整好个火之后 好快就香味四溢 等登叫左个唔辣嘅试下条鱼嘅质素 个鱼质素都几高 首先佢唔腥 加上佢嘅肉质唔会霉霉烂烂咁 个汤底亦都唔会抢哂条鱼嘅味道 佢鱼嘅隔离放左好多蒜头 好入味 间中配上鱼肉一齐食又系另一种风味 条鱼亦都好够份量 两个人食完全无问题😎食到中途落嘅宽粉好烟韧 连埋个汤一齐食都好正 薯仔片就不过不失啦过一阵就食个冒菜 叫左云南酸辣汤 四款菜分别系肥牛 莴笋 蟹粉蟹籽同油麦菜 配蕃薯粉 值得一提嘅系佢菜式多选择之余亦都好贴心可以拣辣度 可以就返自己口味😻佢嘅配菜都好食 而个酸辣汤底都带动到食欲 蕃薯粉唔会好散 水准都好高总括嚟讲 佢个烤鱼真系全日重中之重 下次再嚟可以试第二款鱼同另一个口味