烏蠅館 (已搬遷) 新店位置

自從返過一次大陸食過探魚之後， 自此就對烤魚念念不忘。返香港之後就開始周圍搵烤魚食， 個人來講好鍾意食辣，但今次同朋友一齊去， 佢唔食得太辣， 諗住唔夠辣個味道就會大打折扣， 點知完全冇影響， 仲覺得非常好味、諗起都流口水。 望咗一陣餐牌，就揀咗招牌香辣龍躉， 貪龍躉小骨多肉。呢個烤魚套餐包三款素菜， 另外我地再加秋葵，土豆片，寬粉做配菜。 等左大約15至20分鐘， 條魚未送到過嚟已經聞到香噴噴，濃烈嘅烤魚味道。等個爐著咗，再煮大約1至2分鐘，就即刻有得食。 魚肉新鮮， 嫩滑， 但略嫌有少少細條， 唔太夠喉， 但味道搭夠。 配料亦都同個香辣味好夾，特別喜愛寬粉，因為吸收晒成個醬汁嘅精華，個汁對比探魚味道偏淡， 食完唔會口渴，完全冇成口味精嘅感覺！ 一定會再幫襯！