小魚兒 (寶漢大廈) (已結業)

以前一返大陸就會食烤魚，喺香港好少到見到有烤魚食，早幾日經過銅鑼灣見到呢間就約咗朋友上嚟食。碳火風味烤魚有幾款魚可以揀，海鱸魚/江團魚/凌波魚/鴨嘴魚，我地揀咗海鱸魚，一上枱份量好多，下邊會有一個火爐暖住，唔會食食下就凍哂，海鱸魚肉質幼嫩，無咩骨，我哋就加咗老壇酸菜豆花，味道酸酸甜甜，幾開胃，豆腐滑溜溜，豆香味道濃郁。炸午餐肉粒午餐肉細細粒，適合一大班人分享，午餐肉粒炸到香脆可口。鹽燒鵪鶉蛋另外我哋叫咗一串鹽燒鵪鶉蛋，孜然粉同辣粉味道好惹味，鵪鶉蛋蛋香味道濃厚。有得解冬瓜茶王老吉打邊爐一定要嗌返啲涼茶飲吓，入口清涼解渴。