彩晶軒

营业中

休息中

今日放假同屋企人饮茶，因为系星期一，所以唔使点等位，啲嘢食都上得好快。个人最钟意就系佢嘅虾饺同烧卖。虾饺只只都好大粒，入边嘅虾好大只又爽口。烧卖都唔系净系啖啖肉，入边都有好大只虾，一样系咁爽口弹牙。另外佢嘅鲜虾肠都好大份，上菜嘅时候已经切好一份份，每一份入边都有一只虾，真系好好味。仲有佢嘅叉烧酥，一碟有四粒。虽然细细粒，但系真系好好食，啲酥皮够晒松软，入边嘅叉烧又唔会太咸。不过佢嘅萝卜糕就麻麻哋，唔知系咪我地唔好彩，一啲萝卜都食唔到，三件萝卜糕都净系得粉。希望下次多啲人去食可以试到多啲菜式啦。