影片
更多
2022-10-19
924 浏览
今日放假，去咗中环坐摩天轮，之后上山顶行大运。虽然平日有做开运动，但行完一个圈都已经无乜力气，好想揾间餐厅坐低摊唞下，顺便食埋晏。记得广场入面有间烧鹅汤馆，据说系由鼎爷主理，应该系信心嘅保证。店舖主打靓汤同烧味，一场嚟到，当然唔可以错过。点咗个二人套餐 (388)，睇下个阵容几丰富，除咗包烧鹅同烧味各一碟外，仲有油菜、2 盅炖汤同白饭 2 碗，+$10 仲可以将白饭转濑粉或米粉。炖汤可以自选，不过店员话今日啲汤非常好卖，所以只系净返呢款粉葛鲮鱼赤小豆，汤水味道非常鲜甜，入口带粉葛同鲮鱼嘅香味，饮落好顺喉。酱皇烧鹅例牌：碟烧鹅嘅色水好靓，赤红带光泽。鹅皮酥香脆口，食落仲有鹅油嘅脂香。鹅肉水准亦唔错，肥瘦均称，嫩滑又多汁，配滑溜嘅濑粉食，真系无得输！脆皮烧腩仔例牌：腩仔用上新鲜猪炮制，肉质肥瘦相间，食落香嫩有嚼劲，味道亦啱啱好，唔会过咸，加上食𠮶时个皮仲系脆卜卜，用嚟送饭一流。食完咁多肉，食番碟油菜平衡下就最适合不过。碟菜心好正，条条都色泽翠绿又唔觉老，而且亦无灼得过火，入口清甜无渣👍
虽然平日有做开运动，但行完一个圈都已经无乜力气，好想揾间餐厅坐低摊唞下，顺便食埋晏。记得广场入面有间烧鹅汤馆，据说系由鼎爷主理，应该系信心嘅保证。
店舖主打靓汤同烧味，一场嚟到，当然唔可以错过。点咗个二人套餐 (388)，睇下个阵容几丰富，除咗包烧鹅同烧味各一碟外，仲有油菜、2 盅炖汤同白饭 2 碗，+$10 仲可以将白饭转濑粉或米粉。
炖汤可以自选，不过店员话今日啲汤非常好卖，所以只系净返呢款粉葛鲮鱼赤小豆，汤水味道非常鲜甜，入口带粉葛同鲮鱼嘅香味，饮落好顺喉。
酱皇烧鹅例牌：碟烧鹅嘅色水好靓，赤红带光泽。鹅皮酥香脆口，食落仲有鹅油嘅脂香。鹅肉水准亦唔错，肥瘦均称，嫩滑又多汁，配滑溜嘅濑粉食，真系无得输！
脆皮烧腩仔例牌：腩仔用上新鲜猪炮制，肉质肥瘦相间，食落香嫩有嚼劲，味道亦啱啱好，唔会过咸，加上食𠮶时个皮仲系脆卜卜，用嚟送饭一流。
食完咁多肉，食番碟油菜平衡下就最适合不过。碟菜心好正，条条都色泽翠绿又唔觉老，而且亦无灼得过火，入口清甜无渣👍
张贴
