響 - Hibiki 日本燒肉 (已結業)

我又黎大啖肉大淡酒，有几多就食几多嘅新鲜刺身，数唔到咁多款嘅前菜小食沙律天妇罗锅物任食，最正系乜？摆到靓一靓嘅龙虾、刺身、烧肉，唔洗我order，自动送上，试清楚边样招牌野先reorder。最like澳洲和牛胸腹、骨付鸡肉肠、鸡翼，绝对系我encore之选。刺身拼盘有油甘鱼、三文鱼、带子、甜虾、海胆等，放题类高质，甜虾带子超鲜甜，海胆份量质素属重本。龙虾好多膏，放上蟹子视觉上仲靓好多。烧海鲜个人喜爱大虾够哂鲜味，小食就芝士年糕啦，外脆内软中间芝士香软入心，亦系必定encore系列！任食之余仲有任饮，汽水、韩国饮品、台湾饮品、清酒、柚子酒、梅子酒、煎茶、玄米茶、茉莉花茶，非常多选择。本地手工制雪糕雪条、Movenpick、Dreyers、同几款甜品黎讲呢，我就食左两支Dreyers同1杯movenpick，食埋真系超饱！