佐賀山田 (已結業)

拣左附近间烧肉火锅放题，可以拣任食烧肉120分钟，或任食火锅90分钟。今次我地拣$358/位，120分钟的严选和牛烧肉放题。一入座就送 雪之烧肉盛，有哂干冰出烟效果，都好有睇头。佐贺和牛真系油脂丰富，份布平均，入口快即溶。和牛一口牛都多肉汁同好咬口。肩脊肉、牛板键、牛胸腩，都牛味浓郁，肉质好。第一轮多数都高质好味d，我地再点左几轮，发觉原味系好味同正d，感觉新鲜d。牛油蚬肉、菇、粟米.....超香超正，但好邪恶。蚬肉一半有沙，一半无沙，但牛油烧真系香。另外，菇同粟米都好岩牛油烧，而且食极唔腻。腌过嘅肉，感觉肉质差d，而且腌得太重味，食唔到牛味同埋好口干，不过鸡肉都唔错。牛舌都爽口，但只有薄切，同埋有部份偏硬。漏单情况系繁忙时候都严重，但过左9点几再落单，就正常返。炸物见到吸引，但份量过多，跟本食唔哂，味道一般。我仲整左紫菜温泉蛋饭，好夹烧肉。系自助盛珍珠米，自己加紫菜加温泉蛋。甜品一般，迷你泡夫比较好味。饮品款唔太多，不过都有啤酒。