影片
更多
2014-10-17
4101 浏览
美籍好友C兄被派往广州工作已有一年，虽然多次来港，却因工事繁忙，未有机会碰面。八月上旬，碰巧佢姐姐越洋公干，两姊弟相约于香港相聚，大家就衬姐姐飞机到达之前，一同午膳聚旧。C兄喺广州食住家饭多，因为钟点「阿姨」大多煮中菜，所以就想转吓口味，同XO仔食韩国烧烤。为方便起见，地点拣选喺佢姐姐入住o既酒店附近，一家一个「喊脸」都冇o既「韩国馆」。「韩国馆」虽然隐蔽，不过跟住Openrice上o既地图行，一啲都唔难揾。餐厅正门系一个凸出黎o既三个形，望落去好似间细小o既独立屋咁。行到入去先知原来地方都几大，座位大多为四人卡位及散座，全为胶皮櫈，两个人坐就特别觉得阔落，小肥只系略嫌灯光暗咗少少，地方打扫得唔够洁亮。可能我地入座时已经成两点，全馆只剩我地二人，服务生亦较为懒散，吓吓要等人行过先有人帮忙落单、换碟等，唔问就连茶水都冇杯饮，莫讲话添呀！好在落单𠮶位哥仔总算有耐性地解释每客套餐所包之食物，成功挽回少少服务分。C兄同小肥食量都有返咁上吓，所以就叫咗三款午市特选套餐黎分，每客包有白饭、热汤、小碟及主菜。白饭热辣软熟，热汤就几辣吓，以蔬菜为主o既小碟则野味爽脆，比主菜更为美味。午市特选套餐之L2
C兄喺广州食住家饭多，因为钟点「阿姨」大多煮中菜，所以就想转吓口味，同XO仔食韩国烧烤。为方便起见，地点拣选喺佢姐姐入住o既酒店附近，一家一个「喊脸」都冇o既「韩国馆」。
「韩国馆」虽然隐蔽，不过跟住Openrice上o既地图行，一啲都唔难揾。餐厅正门系一个凸出黎o既三个形，望落去好似间细小o既独立屋咁。行到入去先知原来地方都几大，座位大多为四人卡位及散座，全为胶皮櫈，两个人坐就特别觉得阔落，小肥只系略嫌灯光暗咗少少，地方打扫得唔够洁亮。
可能我地入座时已经成两点，全馆只剩我地二人，服务生亦较为懒散，吓吓要等人行过先有人帮忙落单、换碟等，唔问就连茶水都冇杯饮，莫讲话添呀！好在落单𠮶位哥仔总算有耐性地解释每客套餐所包之食物，成功挽回少少服务分。
C兄同小肥食量都有返咁上吓，所以就叫咗三款午市特选套餐黎分，每客包有白饭、热汤、小碟及主菜。白饭热辣软熟，热汤就几辣吓，以蔬菜为主o既小碟则野味爽脆，比主菜更为美味。
午市特选套餐之L24泡菜煎饼（$75）：泡菜煎饼唔算系好辣，不过最大问题系好似好湿咁，唔够香口。
午市特选套餐之L34烤LA牛肋骨（$80）：牛肋骨味道香浓甜美，可惜肉质较韧，未能成为推介之选。
午市特选套餐之L35烤杂锦肉（牛、猪、鸡；$80）：依味烤杂锦肉可以话系劣呀，因为三种烤肉都一样咁干、咁嚡、咁老！
「韩国馆」虽然地方够大，不过其服务参差，主打韩式烤肉菜式亦不甚美味，午市套餐每人平均消费都要成旧水，如果有得拣，个人会选择于其他地方用膳啰！
张贴
