阿爺燒鵝餐室 (已結業)

晏昼同妈咪两个人经过阿爷烧鹅餐室时，见到店内仲有两个位，于是即刻入去坐低在睇餐牌，点知两母女都叫咗个常餐。常餐有叉烧汤意粉配火腿炒蛋及牛油多士，而我哋都唔要多士，改要方包，餐饮拣热柠水，估唔到常餐嘅叉烧份量都唔少，而且真系好好味，肥瘦适中，意粉汤底又唔会咸，炒蛋又够滑，方包又够厚，真系比我预期中好食嘅常餐，仲要只系$38，简直好味兼抵食！夜晚返屋企专登去买烧鹅返去加𩠌，因只有两个人食，所以只买咗下庒$138，返到屋企打开个盒，已经闻到好香嘅烧鹅味，加埋梅子酱食，真系好食，仲有店内职员态度都唔错，餐厅都好干净，夜晚仲见到个男人企门口，服务态度简直一流，相信系老板，难怪间舖成日都咁多食客。