炳記茶檔

营业中

休息中

星期六中午，等左大约十五分钟。呢度要等就一定要㗎啦。两碗猪扒米加蛋，奶酱多烘底，热茶走，热奶茶收我$63。下？咁平？其实唔知单叫几钱。亦唔知阿姐系咪收少左？猪扒米我最欣赏系只蛋同埋有两条菜（出去食粉面有两条菜其实都好难得㗎啦），下次要食双蛋！而且成碗野食完唔觉口渴就更加难得。唔系好钟意肉嘅我觉得啲猪扒一般啦，有少少韧，好重胡椒味，对于唔系好钟意食胡椒嘅人就可能觉得麻麻。奶酱多松脆，奶酱同面包个比例我觉得刚刚好，同朋友share一半唔系好够喉😅我最欣赏系个热奶茶，茶味依然好重，唔加糖都好味。朋友都好欣赏佢个茶走。👍🏼另外见到佢啲冰就咁倒落一个大胶箱里边，朋友话好似卫生麻麻地，但系其实出边好多餐厅见唔到唔代表好啲嘅。