The Farmhouse 咖啡廳

香港维港凯悦尚萃酒店嘅The Farmhouse 长期喺OpenRice热榜十大自助餐同埋十大酒店餐厅，今次嚟一探究竟。圣诞节同另一半或者屋企人庆祝，呢度嘅节日自助餐真系值得推介！一入去就见到啲圣诞装饰，气氛一流🎅，仲有靓靓嘅圣诞树摆咗喺餐厅入面，令整个地方都充满咗节日嘅气氛！🎉餐厅有两大区，一边系熟食，一边系冷盘。任食冻海鲜包括龙虾、蟹脚、青口等等，仲有刺身🦑熟食区有多个菜式，中式、西式、印度。有圣诞节必食烤火鸡🦃！仲有烤生蚝🦪，表面有金黄色嘅芝士，仲要即场烤完攞出嚟！蒜蓉粉丝蒸龙虾🦞都算好新鲜，肉质弹牙，而且鲜嫩。仲有食肉兽最爱嘅烤羊腿🥩和牛冧肉🥩😍甜品区都唔少得啦～朱古力喷泉🍫！仲有热红酒忌廉朱古力布甸🍷，超浓郁嘅朱古力味，表面嘅朱古力酱酒味好重。仲有开心果提拉米苏，我一个人可以食三个😂😍开心果味好浓，配埋芝士同咖啡手指，香浓得来层次感丰富。12种唔同口味雪糕，包括香芋、牛奶焦糖、椰子、泰式奶茶等等🍨🍦特别啲嘅甜品仲有法式橙酒班戟🍊，即叫即做。