小川屋 (已結業)

话说我系因为见到个辣子鸡块我入黎系食拉面以外既一餐饭。因为佢见人地Ｄ图大大件鸡脾肉切大件黎整辣子鸡，比较多既做法系斩到鸡软骨既大细炸完炒一炒。而呢只做法食落豪迈好多，第一咁大件肉食到有腌底味，二黎炸得都干身之余仲有肉汁。之但系呢只做法似乎唔太沾得上辣子鸡既名，我略嫌麻味系索唔到入个鸡件度，所以以辣子鸡既名黎讲系会差Ｄ。但如果单以一道炸鸡类既𩠌黎讲，呢碟鸡绝对系超班！令我同样有印象既系呢个粉皮！居然用上鲜制会弹牙果只粉皮，而唔系用浸水软身果只，超有惊喜！当然个酱唔能够拎沧浪亭甚至王家沙比，因为个麻酱落得唔算多，唔能够称之为麻酱粉皮。反而川味既酱料落左较多，变相偏向麻同辣，对我呢个偏爱麻酱既人系差咁小小。面就相对上平淡，但绝对对得起价钱有余，廿蚊碗你想点...蒜泥白肉亦都用上粉皮同样既酱，其实呢只酱两碟小菜冷盘都落左偏多，不过最重要佢只酱又唔会太咸，我仲加小小落去捞担担面，真系几好食只酱。全晚相对的失望就呢４支骨，可能食完炸鸡有比较，孜然粉味第一唔太出众，二黎干身左小小，略略失望。