The Americano By Texas Burger (已結業)

今日放工冇饭局自己一个人，咁啱上openrice睇热溶芝士 ，睇睇下睇中咗呢一间，好就去试试佢。餐牌食物不算多，而来来去去都系得𠮶几款， 咁就叫咗餐牌嘅第一张推介，热溶拉可雷特芝士汉堡，仲送沙律同嘢饮添叫咗冻嘅苹果茶，沙律非常之一般，冻嘅苹果茶流到呢，应该系道地或杨协成倒出嚟嘅罐装饮品，大大扣分了。主角出场，热熔拉可雷特芝士汉堡，芝士上的时候不是用 发热线热着，而系厨房热完之后揾同事人手拎出嚟用刀泼落个汉堡上面，又扣分了， 汉堡的配料有薯饼，猪肉肠开边，牛肉，生菜，再加上特别酱汁，但惊奇地味道非常好食，肉质嫩滑，味道刚刚好，之前扣分的地方都差啲唔记得咗， 但如果只食汉堡价钱又有点贵。