影片
更多
2022-02-14
185 浏览
星期日过咗去坚尼地城𠮶边买嘢，顺便食晏。见天气咁冻❄️，食碗汤面就最适合不过。我哋去咗帮衬「101台湾养生汤面」，唔知系咪新开呢，但又唔记得旧铺系乜。餐厅星期日都有提供午市套餐，即系送饮品。选择都几多，有面食🍜，亦有台式饭🍚。价钱介乎$5X-$6X，属正常水平。题外话，呢度晚市仲有提供火锅添。台湾药膳香辣蕃茄牛肉米线($72)，睇汤头颜色红卜卜，就知蕃茄味几突出🍅，但同时辣味亦都显著，留意返我只系嗌咗小辣呢。牛肉系用上牛腩🥩，大大件，好有质感，另外亦有三大嚿萝卜。面底预设咗系配米线，可加钱转手工面或乌冬，我落完单一阵先醒起唔记得咗转面，但可惜为时已晚，过多几分钟碗面已经送上😭。台湾药膳沙茶汤米线($52)，包两款$6配料。呢碗系台式车仔面，𩠌料自行选配，主要分为$6同$8两种，嗌后者补返差价就得。我要咗沙茶牛肉同白菜猪肉饺，🐮前者几好，大大片，同港式沙嗲牛面啲牛肉有得挥，🥟后者就估唔到有三只咁多。沙茶汤底几香，再渗出微微药膳味，特别。药膳上汤浓汁手作牛丸($25)，🍢牛丸一客有五粒，肉质尚算爽弹。汤底应该系药膳清汤，佢系几款之中最清彻，而且药膳味最浓郁。卤水鸡翼($25/3只)，🍗鸡翼卤
星期日过咗去坚尼地城𠮶边买嘢，顺便食晏。见天气咁冻❄️，食碗汤面就最适合不过。我哋去咗帮衬「101台湾养生汤面」，唔知系咪新开呢，但又唔记得旧铺系乜。
餐厅星期日都有提供午市套餐，即系送饮品。选择都几多，有面食🍜，亦有台式饭🍚。价钱介乎$5X-$6X，属正常水平。题外话，呢度晚市仲有提供火锅添。
台湾药膳香辣蕃茄牛肉米线($72)，睇汤头颜色红卜卜，就知蕃茄味几突出🍅，但同时辣味亦都显著，留意返我只系嗌咗小辣呢。牛肉系用上牛腩🥩，大大件，好有质感，另外亦有三大嚿萝卜。面底预设咗系配米线，可加钱转手工面或乌冬，我落完单一阵先醒起唔记得咗转面，但可惜为时已晚，过多几分钟碗面已经送上😭。
台湾药膳沙茶汤米线($52)，包两款$6配料。呢碗系台式车仔面，𩠌料自行选配，主要分为$6同$8两种，嗌后者补返差价就得。我要咗沙茶牛肉同白菜猪肉饺，🐮前者几好，大大片，同港式沙嗲牛面啲牛肉有得挥，🥟后者就估唔到有三只咁多。沙茶汤底几香，再渗出微微药膳味，特别。
药膳上汤浓汁手作牛丸($25)，🍢牛丸一客有五粒，肉质尚算爽弹。汤底应该系药膳清汤，佢系几款之中最清彻，而且药膳味最浓郁。
卤水鸡翼($25/3只)，🍗鸡翼卤得几入味，味道亦唔会过咸。
饮品方面🥤，我哋要咗冻港式奶茶同埋冻黑糖冬瓜茶，冻饮+$2，即使无转加大，饮品已经好大杯。两杯个味都OK，甜度适中。
总括嚟讲，天气冻食返碗热辣辣嘅汤面令人满足☺️，饮啖汤个人即刻暖笠笠。餐厅环境几阔落，比起连锁米线舖好坐，难怪堂食同外卖嘅客人都唔少呢。
张贴
