緣屋 札幌元袓蝦湯拉麵 (信德中心)

营业中

休息中

平时成日觉得信德中心冇乜嘢好食，点知最近发现开咗间新嘅日本过江龙拉面，身为拉面之鬼嘅我当然要试吓。店内环境几大，其他枱坐满晒人要坐bar枱，食拉面嘅时候睇住厨师一路煮都系一种享受嚟嘅。枱面有唔同配料，我最钟意系个蒜酱，加埋落个拉面令个汤底更加丰富。首先上菜嘅就系虾多士，炸得酥脆可口，有少少油腻，虾肉弹牙，食落口感好丰富。朋友叫咗个人气既味噌虾浓汤拉面，我试左一下汤头果然虾味浓郁，带有浓浓海鲜香，拉面嘅配料就有叉烧糖心蛋樱花虾同玉米仔，非常丰富。我就叫咗个火炙味增虾浓汤拉面，火炙寿司就成日食，火炙味既汤头真系第一次试。汤头食落比朋友个碗既更有焦香，火候十足，系从来未系拉面食过嘅新鲜感。半肥瘦嘅叉烧肉质亦都唔错，采用既粗面几弹牙，配合到突出嘅汤头。总括而言呢两碗都算系比较浓郁嘅拉面，我同朋友都系比较重口味嘅人，所以我哋都非常满意。