小明珠

听讲呢度开店多年，但几年前喺观塘返工，经过红色小巴站，喺附近食过好多次其他食店，都未见过呢间嘅。原来老店喺同一条街搬上左少少，新店比老店大啲，但夜晚去食仍然好多人等位。原来里面可以俾开开瓶费带酒，所以里面好热闹，好似大排档咁，接受到呢两样嘢，就可以揭餐牌啦！招牌小笼包 4只 $45每一枱都叫一笼，应该好正啦！望落个小笼包咁胀，应该好厚皮啦！原来又唔系，个皮反而几薄几多汁，多到好似个皮好白好厚咁。不过由个笼夹落个碗，又完全唔会烂，包有菊花形，师傅好功夫。菜肉云吞 6粒 $42清清地嘅选择，云吞皮薄馅靓，满满嘅白菜同猪肉。清淡但够味，食落好舒服。糖醋骨🍖 $98$98嘅糖醋骨，同$108嘅咕噜肉之间做选择。原来呢度嘅#糖醋骨，唔系#镇江骨 ，而系平时酒楼嘅#生炒骨 。今次觉得自己拣到好嘢，炸得香脆，好挂汁，同埋青红椒同洋葱配菜足够。今次每件排骨都有肉，有下次。雪菜肉丝炒年糕 $88材料好简单，就系雪菜、肉丝同年糕，年糕烟韧，配合埋雪菜咸香同肉丝嘅香味，每一啖年糕，都有层次，不过呢碟煮得偏咸。自家制台湾冬瓜茶 $10清清地，本身唔会好甜，有少少冬瓜香味，感觉解渴。