隆姐泰國美食館

营业中

休息中

一向都钟意去九龙城揾泰国菜食今次嚟到位于港铁九龙城站对面嘅隆姐泰国美食馆，试一试佢地嘅菜色。可能因为地理位置太方便，星期六下午三点，餐厅内仍然人头涌涌。至下午4点几，仍不断有客人，可惜职员表示厨房已落场，所以大家想嚟试就要尽量4点前啦Pad Thai 金边粉炒出嚟比较湿润，我比较钟意食干身嘅，而且无咩配料，属于中下水平串烧(6串)猪肉同鸡肉各3串，又几好食㖞!烧得好香口，肉质嫩滑，推荐!铁板蚝仔蛋生蚝几新鲜大只，夹埋煎蛋嘅组合唔会有伏，蛋下面有好多芽菜垫底，但系芽菜超级生，食唔到南瓜咖哩软壳蟹原个南瓜上嘅咖哩。咖哩唔会太稀又唔会太稠，味道岩岩好而最出色系个软壳蟹，炸得岩岩好，炸粉唔会太厚。而且软壳蟹系大只有肉，十分不错!蒜蓉包全餐最迟嚟但系令我最惊喜嘅食物!睇样都已经觉得好靓，果然系好好食!香脆可口!隆姐泰国美食馆整体质素真系唔错，惟一有人手不足问题，当日星期六full house但系只有两至三位楼面，上菜速度比较慢，有时候客人想加单，或者有其他需要都可能揾唔到人帮手。