影片
更多
2022-10-02
596 浏览
喺坚尼地城食完饭，见时间尚早，就揾吓附近有乜甜品食🤤。我记得爹核士街有一间甜品店，去到发现好似改咗名，叫做「贤记甜品世家」。店舖整体感觉无乜大变，装修简约明亮💡，但座位编排有少许迫夹，不过胜在冷气充足，加上食甜品唔会坐好耐都冇乜所谓。小店保留咗经典甜品糖水，另外亦加入咗唔少新派款式。甜品定价唔贵，难怪平日晚上都有咁多人帮衬👍。特浓抹茶雪山冰冰($68)，估唔到小店有刨冰食🍧，佢唔系台式雪花冰，而系偏向日式𠮶种刨冰，不过口味就得抹茶一款。茶品用上日本小山园抹茶🍵，茶味甘香浓郁，但唔苦涩。刨冰看似平平无奇，不过内有干坤，口感层次丰富，配料包括软糯烟韧嘅白玉丸子🍡、朱古力曲奇脆脆🍪同奶冻。最后者有意想不到嘅惊喜，刨冰同奶冻质感完全唔同，形成对比，变得唔单调。姜汁炖鲜奶($32)，炖鲜奶口感细滑🥛，蒸得啱啱好，可拣冻食或热食。姜汁味道恰到好处，微微辣，冬天食更可暖胃，而朋友就话再辣啲都OK。不过如果嗌刨冰嘅话，或许可以唔使单点炖奶。腐竹雪燕水晶芋圆($35)，❄️腐竹薏米糖水本身清甜，腐竹并无煲到溶晒，而且仲有其他食材。三色芋圆大大粒，但可能煲得唔够耐，Q弹程度一般。糖水混入大量平民燕窝，每啖都
喺坚尼地城食完饭，见时间尚早，就揾吓附近有乜甜品食🤤。我记得爹核士街有一间甜品店，去到发现好似改咗名，叫做「贤记甜品世家」。
店舖整体感觉无乜大变，装修简约明亮💡，但座位编排有少许迫夹，不过胜在冷气充足，加上食甜品唔会坐好耐都冇乜所谓。
小店保留咗经典甜品糖水，另外亦加入咗唔少新派款式。甜品定价唔贵，难怪平日晚上都有咁多人帮衬👍。
特浓抹茶雪山冰冰
$68
6 浏览
0 赞好
0 留言
茶品用上日本小山园抹茶🍵，茶味甘香浓郁，但唔苦涩。刨冰看似平平无奇，不过内有干坤，口感层次丰富，配料包括软糯烟韧嘅白玉丸子🍡、朱古力曲奇脆脆🍪同奶冻。最后者有意想不到嘅惊喜，刨冰同奶冻质感完全唔同，形成对比，变得唔单调。
姜汁炖鲜奶($32)，炖鲜奶口感细滑🥛，蒸得啱啱好，可拣冻食或热食。姜汁味道恰到好处，微微辣，冬天食更可暖胃，而朋友就话再辣啲都OK。不过如果嗌刨冰嘅话，或许可以唔使单点炖奶。
腐竹雪燕水晶芋圆
$35
8 浏览
0 赞好
0 留言
糖水混入大量平民燕窝，每啖都食得到雪燕，富美容效果，啱晒女仔食👧🏻。透明粒状嘅系水晶，我自己就觉得似白凉粉，口感几得意。
总括嚟讲，呢间甜品店焕然一新，为街坊带嚟各式各样嘅糖水甜品🍮。下次再嚟坚尼地城食嘢，我都会嚟帮衬！
张贴
