皇牌冰廳 (砵蘭街)

营业中

休息中

呢个星期六我地去左行油尖旺一带，行到脚仔软，又开始肚饿，揾间餐厅食野。见到有间茶记，差不多４点，都仲系爆场咁，睇黎应该好受欢迎，于是食呢间啦，可以休息一下。一坐底睇餐牌，叫左两份焗饭。焗薯仔咖哩鸡扒，焗猪扒饭。因为好似好多人叫，我地都唔执输，叫埋一份。等左约十五分钟，终于来到了，焗野系要等，咁先显得新鲜即焗。焗薯仔咖哩鸡扒，呢个就麻麻地啦，因为咖哩唔系辣个种，饭系无炒底，同埋鸡扒有Ｄ咸，唔知系咪腌个阵重手左。不过焗猪扒饭又几好味，无鸡扒咁咸，饭都系无炒底，但猪扒真系几脆，番茄配合得几夹，而且又唔肥。价钱两个合共＄８７，而份量下午茶黎讲都算饱既。