影片
更多
2015-04-16
389 浏览
成日经过见到海报自家制鲜茄焗猪扒饭，张相影同靓想黎试好耐架喇！无耐冰室只开半日唔做晚市，放工返到上水都已经收皮，要放假先黎到啰。首次帮衬，居然连茶餐厅都要攞号码飞等位啰，呆企门口讨厌。原本有张两日枱门口位，想热死我咩，又人来人往，No 喇！等多 10 分钟终于有里面位，但非常迫夹，方枱只一个身位，大只啲都同隔离膊贴膊，莫讲条路仔。厚奶油包又唔错㖞，好软垫！奶油又够多好香口，无揾笨！连我平时走包唔食既都全部食晒。炒鲜奶滑蛋，真系有加鲜奶的吗？但食唔出。标明新鲜本地农场鸡蛋，蛋味特浓，味道真系有啲唔同，好味㖞！有蛋汁都几滑，可以再炒得嫩口啲，加分。火腿如果可以烫一烫就更好啦，会更香口。鲜牛出前一丁，menu 写住早餐十一点前，点知阿姐话依家两点半都有得食，平几蚊啰，多谢晒。砌得好靓，卖相一流，值得赞吓！温度只属暖温，并不是热腾腾出晒烟上枱，再试啖先，好明显系一早煮好个面底，有 order 就加汤出货，同即叫即煮既味道同口感差得远啦，食落面质咽咽韧韧都唔算太腍，而鲜牛几好，味清香有咬口，无乸得过份，合格。试埋您个辣椒油，麻麻地，算啦。鲜茄焗猪扒饭，招牌野㖞！终于试到焗猪扒饭，但非常平凡普通加
成日经过见到海报自家制鲜茄焗猪扒饭，张相影同靓想黎试好耐架喇！无耐冰室只开半日唔做晚市，放工返到上水都已经收皮，要放假先黎到啰。
首次帮衬，居然连茶餐厅都要攞号码飞等位啰，呆企门口讨厌。原本有张两日枱门口位，想热死我咩，又人来人往，No 喇！等多 10 分钟终于有里面位，但非常迫夹，方枱只一个身位，大只啲都同隔离膊贴膊，莫讲条路仔。
厚奶油包又唔错㖞，好软垫！奶油又够多好香口，无揾笨！连我平时走包唔食既都全部食晒。炒鲜奶滑蛋，真系有加鲜奶的吗？但食唔出。标明新鲜本地农场鸡蛋，蛋味特浓，味道真系有啲唔同，好味㖞！有蛋汁都几滑，可以再炒得嫩口啲，加分。火腿如果可以烫一烫就更好啦，会更香口。
鲜牛出前一丁，menu 写住早餐十一点前，点知阿姐话依家两点半都有得食，平几蚊啰，多谢晒。砌得好靓，卖相一流，值得赞吓！温度只属暖温，并不是热腾腾出晒烟上枱，再试啖先，好明显系一早煮好个面底，有 order 就加汤出货，同即叫即煮既味道同口感差得远啦，食落面质咽咽韧韧都唔算太腍，而鲜牛几好，味清香有咬口，无乸得过份，合格。试埋您个辣椒油，麻麻地，算啦。
鲜茄焗猪扒饭，招牌野㖞！终于试到焗猪扒饭，但非常平凡普通加失望，大快活仲好味百倍，连骏明苑都比唔上。卖相一流，真系好靓。完全被芝士覆盖，奇怪地香味欠奉，冷气太大所以闻唔到？主角焗猪扒，乸过既猪扒无好感，口感松软腍劈劈而味道一般，腌得清淡无咩味道。
Hea 炒饭，无色又无蛋香，蛋碎都几乎揾唔到。鲜茄系新鲜好味既，但个鲜茄汁完全唔掂，味道淡而单调，洋葱味较呛，炒饭猪扒茄汁芝士都太淡口，同医院 canteen 不相伯仲，隔离枱位四眼 uncle 直头要求比豉油佢添！食焗猪扒饭要捞豉油真阴功！不过吹咩，我日日都爆场排长龙，您话知我啦！
张贴
