薯芝味 (已搬遷) 新店位置

今日去东广场揾食，原来而家多咗好多食店，见到薯芝味几有趣。舖位唔大，但都摆到4-5张枱喺舖入面，舖出面都有3-4张枱。主要系叫set, 个set可以拣焗薯或者法包，再拣酱汁同埋配菜，然后拣主菜，有pasta 同埋salad,最后拣埋饮品。👉🏼我拣咗焗薯配招牌芝士酱同埋牛油粟米加菠萝、菠菜长通粉、龙眼蜜。觉得芝士酱味道偏淡同偏甜，同我想像中有出入。长通粉嘅菠菜汁亦系偏淡，我估佢落咗好多cream或奶制品去煮，因为我有lactose intolerant 食完个胃会唔舒服。杯龙眼蜜唔错，甜度适中。👉🏼呢个餐唔同嘅系主菜系沙律，饮品系玫瑰花绿茶。个沙律捞咗酸酸甜甜嘅酱，系几开胃，而杯茶就一般。整体呢餐份量好够食，但味道一般，以$55一个set这价钱吃到这个质素，都冇得挑剔。