意歐

营业中

休息中

今次黎到旺角食下午茶，因为肚饿关系望咗两眼餐牌就入咗去食，一入去餐厅就觉得餐厅环境好麻麻，餐枱与餐枱好近，而且待应得1个人。观察周围食客唔算多，无太多参考价值。于是我开始点餐，本身餐厅主打焗薯， 望一望下午茶餐牌见到有个铁板牛仔骨焗薯餐配餐汤同餐饮。落单到出餐时间都快手，餐汤叫咗忌廉汤味道中规中矩，然后用蒜蓉包点忌廉汤味道都唔错。其后主菜登场，卖相唔错份量亦都合理，不过牛仔⻣食落去有筋导致口感一般味道偏咸，至于碎蛋沙律焗薯食落去味道唔错，配搭几好。最后，餐饮系朱古力，味道唔错好有朱古力味。