浩食冰室

营业中

休息中

中午放饭同同事出去揾食，见到呢间浩食冰食餐牌都好多款式，而且价钱唔算贵，就一于试下啦。入到去坐底，枱上仲有饭粒同茶渍，好明显执完枱无抹枱，卫生情况比较差㖞，咁睇返食物先啦，餐牌上好多款式，有d都几有特式，咁多我就试下个牛魔王焗饭啦，即系黑椒汁焗牛肉饭，落单唔洗十分钟就黎到，一食，暖既，焗饭竟然唔够热，明显焗得唔够，牛肉分别系肥牛同鲜牛肉，味道就还好，系唔够热，同事就拣左个盐酥鸡煎蛋配肉酱意粉，上到黎反而热过我既焗饭，仲有烟出，意粉用茄汁炒过，唔系就咁白烚，睇落几好，但同事食落话普普通通，叫做还好，但午餐黎讲连饮品50蚊又唔可以期望太高，但仍有进步空间。