影片
更多
2021-06-23
164 浏览
相信大家都听过Mini Friday同日本野，开业几个月嘅Thaiology其实隶属同一集团。夜晚嚟到，发现二人套餐都几抵食，$398就有一锅汤、沙律/小食、肉类、炒杂菜、金边粉，仲可以加小小钱转特饮。除左各式经典泰菜，餐厅仲推岀左玩味十足嘅shake shake海鲜袋。餐厅设有多个卡位，店面唔算好大，但比想像中宽敞舒适。估唔到平日黎到都几乎满座！建议大家预早book位，用餐时间为90分钟。▪️冬荫功海鲜汤 $108好钟意个海鲜汤会有个火热住，虽然去到中途就会熄咗，以防煲得太耐太咸，但食到最后依然暖笠笠！海鲜汤酸味偏重，只带微辣，带青柠同蕃茄香，唔会太咸，相当开胃。当中加有菇、虾、青口等等，都几足料。▪️泰式小食拼盘 $128小食拼盘就有鱼饼、虾饼、鸡翼、春卷各2件 同埋沙爹串烧4串~虾饼酥脆唔油腻，炸皮唔会太厚，当中包有粒粒虾系中间，质地弹牙有肉汁。沙爹串烧 烧得带焦香，猪肉同鸡肉都唔会烧到好干好柴，可以沾上旁边甜甜地、带花生香气嘅沙嗲酱。鱼饼同鸡翼 就正常发挥。鸡翼外皮香脆，不过肉质就唔算好滑，感觉上表面涂上蜜糖，食落甜甜地。春卷香脆唔会太油，不过馅料偏少，调味偏淡。▪️炭烧大头虾 (两
夜晚嚟到，发现二人套餐都几抵食，$398就有一锅汤、沙律/小食、肉类、炒杂菜、金边粉，仲可以加小小钱转特饮。除左各式经典泰菜，餐厅仲推岀左玩味十足嘅shake shake海鲜袋。
餐厅设有多个卡位，店面唔算好大，但比想像中宽敞舒适。估唔到平日黎到都几乎满座！建议大家预早book位，用餐时间为90分钟。
▪️冬荫功海鲜汤 $108
好钟意个海鲜汤会有个火热住，虽然去到中途就会熄咗，以防煲得太耐太咸，但食到最后依然暖笠笠！
海鲜汤酸味偏重，只带微辣，带青柠同蕃茄香，唔会太咸，相当开胃。当中加有菇、虾、青口等等，都几足料。
▪️泰式小食拼盘 $128
小食拼盘就有鱼饼、虾饼、鸡翼、春卷各2件 同埋沙爹串烧4串~
虾饼酥脆唔油腻，炸皮唔会太厚，当中包有粒粒虾系中间，质地弹牙有肉汁。
沙爹串烧 烧得带焦香，猪肉同鸡肉都唔会烧到好干好柴，可以沾上旁边甜甜地、带花生香气嘅沙嗲酱。
鱼饼同鸡翼 就正常发挥。鸡翼外皮香脆，不过肉质就唔算好滑，感觉上表面涂上蜜糖，食落甜甜地。
春卷香脆唔会太油，不过馅料偏少，调味偏淡。
▪️炭烧大头虾 (两只) $78
大头虾烧得带焦香，但肉质偏软腍，亦唔算太大只，78蚊得两只真系唔太抵食。
▪️椰盅海鲜焗饭 $128
舖满海鲜嘅椰盅 卖相超吸引！焗饭入口充满椰子香气，米饭粒粒分眀，唔会过湿或过干。大虾厚肉弹牙，焗饭中加有弹牙鱿鱼、细细粒嘅虾仁、爽口豆角，口感丰富，食到最后仲可以𢳂埋侧边爽口椰子肉。▪️原个鲜椰青 $52
食泰国野必饮！大大个 清甜解辣！
整体嚟讲，价钱合理，几啱香港人口味，椰盅海鲜焗饭可以一试！卡位宽敞，几适合三四个朋友嚟聚聚。
张贴
