京林屋 (希慎廣場)

营业中

休息中

去铜锣湾行完街，去揾野食xd 见到呢间京林屋好似几正，就入去食。我地嗌左个京式鳗鱼饭。佢好丰富，有埋汤同萝卜。好中意个鳗鱼饭，鳗鱼厚肉，而且肉质鲜美，加上汁，配饭真系好好味。好中意佢个摆法，加上颜色，令人食欲大增。另外嗌左个林屋和食料理，个饭有淡淡的茶香，同普通饭唔一样，我好中意！佢劲特别，可以食到四种唔同口味的小茶，正！佢有野菜豆腐汉堡，海鲜沙律，帆立贝配鱼仔，仲有芝士卷，仲有鲭鱼。虽然睇落好似好细，但样样都好味，食完真心饱！我最中意个鲭鱼，肉质好firm好味。仲有个汤，够浓味！食完主食嗌左两个甜品，嗌左焙茶卷蛋。佢好香焙茶味，又有雪糕同丸子，佢都都几夹，而且唔甜唔腻，好正！另外嗌左抹茶芝士蛋糕，呢个甜品比起焙茶相对地甜，佢个cake味道好浓郁，而且好结实，真心好好食，我食唔停口。个抹茶雪糕都真系好浓郁，好正！嗌左杯热抹茶牛奶，暖入心，甜入心，好中意奶味好重！下次会再黎食！