Taylor Shellfish Farms (高街)

营业中

休息中

生平第一次打食評，就係要寫呢間，食物質素係好嘅，但食得好唔暢順。我喺呢頭返工，想試好耐，奈何晚上先開，難得約咗朋友喺附近食晚飯，就試下呢間啦。食物叫了fish and chips, 焗生蠔，藍青口，炸蠔手指，蒜蓉包和一支紅酒兩個人食， 焗生蠔同藍青口係真係好食嘅，夠味又新鮮，但其他就一般，無話特別差，亦無話特別好。嗰晚個塲都好吉下，得3-5枱客，但啲員工就成晚不停干擾我地傾計，係咁問住加唔加酒，雖然係有service, 但真係幾煩，事實係我同我個friend 都唔係好飲得嘅人，所以飲得好慢，係真嘅，到十點零鐘，終於飲哂支紅酒，我地賣單走人。我平時真係唔多check 單，但今次我個friend 賣單，佢睇咗兩眼，唔睇由自可，一睇張單，charged 多咗三幾個items 係我地無order 過嘅，包括一個生蠔拼盤，總共計多咗成600幾蚊，嚇咗一大跳，原本我同個friend 都飲到少少tipsy, 即刻醒哂，即刻問員工，先同我地改返張單, 我地餐飯係食咗800幾蚊。成晚得嗰幾枱客，員工就有成5-6個企晒喺度企咗成晚，咁都搞得錯單，所以話，出街食飯check 單真係好重要。