影片
更多
2018-08-31
882 浏览
本来想去「锅心」食过畅快粥底锅既，之前已经去过两次，两次都好唔错！但因为早场太早，朋友们都赶唔切，而第二场要等到8:30至可入座，最终放弃左而上网揾左好多好评既「满粥」！但佢都只系早左半个钟开始，即8点至10点！禽晚7:55分已到，先入店报到，话要响门口等叫，期间8点后有两台开始埋单，之后有三张空台，跟住见店员清理台面，再舖好台面同摆位，最后所终于等到叫名时系8:20分，叫到最后人地入晒店内时再叫我地入座，五人只有四位座位，话等迟小小有人埋单时可以比多个位我地！我心谂，其他台都系同我地同一个时段入场，要等人埋单时，相对我地都埋单啦仲话咩到时比番一个位我地！即系讲左等如无讲！见到个场环境好细好窄！台与台之间行入去条隙都系一个身位仅仅过到！我再讲，一入场时已经系8:20分，一坐低我地已立即写纸点左六样网上人地话必点既美国肥牛、黑毛猪腩片，另外仲有酱爆贡丸、蟹粉虾子丸、养颜花胶片等！到开始有野放去我地台面时，时间系8:40分，你可以谂下，明明时间话8-10点既，根本好多时间系浪费既，好似未入场见到佢地铺台既动作好慢，可能店员来去都系两个三个人！到开始上煲等水滚，再有海鲜逐步上台时都去左45分
禽晚7:55分已到，先入店报到，话要响门口等叫，期间8点后有两台开始埋单，之后有三张空台，跟住见店员清理台面，再舖好台面同摆位，最后所终于等到叫名时系8:20分，叫到最后人地入晒店内时再叫我地入座，五人只有四位座位，话等迟小小有人埋单时可以比多个位我地！我心谂，其他台都系同我地同一个时段入场，要等人埋单时，相对我地都埋单啦仲话咩到时比番一个位我地！即系讲左等如无讲！
见到个场环境好细好窄！台与台之间行入去条隙都系一个身位仅仅过到！
我再讲，一入场时已经系8:20分，一坐低我地已立即写纸点左六样网上人地话必点既美国肥牛、黑毛猪腩片，另外仲有酱爆贡丸、蟹粉虾子丸、养颜花胶片等！
到开始有野放去我地台面时，时间系8:40分，你可以谂下，明明时间话8-10点既，根本好多时间系浪费既，好似未入场见到佢地铺台既动作好慢，可能店员来去都系两个三个人！到开始上煲等水滚，再有海鲜逐步上台时都去左45分钟！咁其实好浪费我地时间既！
仲有每样野上得好慢，理由系因为厨房得一对手去处理，所以请耐心等候！
慢慢再上一个好似high tea既层塔，放晒大小蚬、鲍鱼等！呢个我见上网必post既，男侍应放低个层塔响我地台后，我地两个人影左个层塔两张相，男侍应随即将就好快将塔上既鲍鱼、大小蚬等放到其他碗度后就拎走个塔！我地都好奇怪，个塔系卖点既话，点解一到台就即刻将海鲜分左继而拎走个层塔呢？唔通唔够用怕第台客又要用海鲜塔？唔系卦！我地当时已系最后一台客人入座，无理由唔够用嘛！将个卖点咁快收起目的系咩呢？既然咁快收走，倒不如一开始用碟一碟碟上好过啦！
仲有！男侍应每次用手帮客人将海鲜由塔上放到碗里面同埋分餐具比我地时，两手系无戴手套既！咁咪好唔卫生啰！
之后，我想话几样必点既食物，包括美国肥牛、黑毛猪腩片，另外仲有酱爆贡丸、蟹粉虾子丸、养颜花胶片等！其实无咩特别，点解话到咁好味呢！猪腩片每块有三份二系肥猪肉，睇到都忍唔住要切走肥肉！美国肥牛亦系好普通无咩特别啰！
最后，由于未落肉类个汤底已开始干水，我地加过两次水，每次都好少好少，话因为水多会沟淡左粥底㖞！真系水少到差d㶶底呢！到食晒肉类要加份粥胆时，男侍应问系咪全部配料落晒？有无咩唔要既？我地话走青，猪油渣分开装、菜脯因为怕落晒太咸所以落一半可以喇！男侍应听完表示左一个藐嘴表情就走左！跟住我地响度讲，粥底配料一定要落晒既咩？唔落晒唔得？唔落晒就要比个咁既表情客人睇吗？
我地食完呢餐都唔明白点解人地可以咁赞呢度既食物啰！跟本样样普通，同埋粥底根本都无鲜味、芋头南瓜味亦发现唔到，同埋无咩特别味道！呢度同「锅心」差得远喇！人地锅心个粥底明显食到系鲜味啰！我地唔会再来第二次架喇！
张贴