劉一手重慶火鍋 (又一城)

营业中

休息中

收咁嘅价钱竟然限时入座90分钟，仲要去到先话你知，唔通成家人临时转场再揾地方咩，人手又唔够，个锅上枱净番60分钟，最后10分钟已催埋单，服务质素员工态度亦麻麻。由接待到落单到埋单，都系赶客咁样。啲卡位又迫，健硕啲或者脚长啲都会坐得唔舒服。隔离𠮶枱出声话好迫想转枱，服务员竟然叫我哋起起身，原来卡位张櫈系郁得嘅，佢想移过啲我哋𠮶边，其实我哋都迫迫地。最后为咗赶交枱要擒擒青咁食，仲一路食一路有员工收紧枱。虽然唔系叫最贵嘅嘢，但4个人埋单都over$3000，系咪应该有好啲嘅服务呢？虽然服务质素差，但食物质素不错，尤其牛肉同海鲜。而麻辣汤底膻味很大，不是一般人可接受。