大眾燒肉酒場 X 陀地燒 (已結業)

见佢系烧烤堂副线所以想试下，价钱比烧烤堂平啲，但就大部分串烧会要求2或4串起(加单都系)。唔紧要，当佢平啲要围番皮。由一入去开始，店员已经无乜礼貌，请野无尾音无表情，我谂佢只系无表情唔系刻意黑面。初初以为只系个别员工系咁，不过原来个个都系，放低食物同收走食物都系会俾紧人一种好似欠左佢嘅态度。直至佢放低碟鹌鹑蛋嘅时候唔小心整跌左其中一串喺台面，终于识讲一句「唔好意思 换过碟俾你」，咁其实都知都讲系咁讲啦！果然过左一阵碟鹌鹑蛋岀现番，一食，系冻架！其他碟碟上枱都系热嘅，唯一系佢冻。俾番同一碟不如俾我食碟热架啦！另一样野系，我地唔食辣嘅，见有部份食物隔离有辣椒符号，问左店员可唔可以走辣佢话可以，但张单从来无打走辣，当然食物嚟到都系辣架啦！个元贝少少都算，个茄子辣到食唔到，忍唔住同店员讲叫咗走辣，但全部嘢都冇走到，佢答我同厨房讲返，然后当然无下文🙂建议大家有budget嘅话上番2层食烧烤堂，呢间野整臭左烧烤堂个名，你预食物/态度打番个7折，唔会再去食。最后埋单五百几蚊，唔知为咩俾钱受气。