牛八和牛燒肉屋 (已結業)

十月一日红日嚟咗呢间新开无耐嘅烧肉任食放题，本身拍好多人，所以一早book定枱，点知原来都唔系好full😂来之前我已经上网做足资料，见到大家都话服务态度好差，而且啲嘢好难食！本身心入面都淆淆地谂住嚟做试伏器🫣不过可能因为本身期望唔高，最后我感觉又冇想像中咁差㖞！🥢服务⭐️⭐️⭐️态度就正正常常啦，上网啲人话佢哋态度好恶劣，我觉得又未至于！我嘅概念系，大部分放题都系差唔多咁样十问九唔应😂🥢食物质素⭐️⭐️⭐️牛肋肉、鸡腿肉都唔差，系个厚切牛舌韧到咬唔开！🥲另外，可能我哋只系Level2，食物种类就唔系好多！偷听到隔篱枱有得叫鲍鱼同埋海鲜！而且出面嘅任食蔬菜就冇乜特别，而且款式都好少！🥢环境⭐️⭐️⭐️⭐️我觉得几靓！佢系好似某回转寿司店咁用一架火车送啲嘢食去你张枱隔离，都几好笑啊，不过有几次我都拎唔切😦而且可能新装修无奈嘅关系环境都几光猛同埋卫生！