牛八和牛燒肉屋

营业中

休息中

星期四晚到訪，整個商場仍然冷清氣氛，即使中庭有吹氣設施，人流亦不多，這也能理解大部餐廳都打著8折作招來，牛八也不例外。半自助形式深深吸引着小朋友嚷着到這裡用餐，我們訂了Level 2的餐，先有不能添加的主菜送上，質素當然好OK；再用點餐紙加菜，質素尚可，唯獨招牌牛肉類，不論是牛肩肉或是牛舌，全部都太un，大人也咬不開，何況小童。自助形式的蔬菜、主食、飲品種類豐富，小朋友常常添飲添吃。職員服務態度也很貼心，看見烤爐上較大件的食物，會主動用剪刀剪細；夠鐘時亦有禮提出結帳、離座。整體用膳過程愉快，只是餐廳規定120分鐘後必須離座（擬似日式餐廳運作），並不適合朋友相聚；雖然當時已經沒有等入座的客人，甚至有空桌，但我們必須離座，在今時今日北上成風的氣氛，能夠在港餐廳多留一會實在難能可貴，價錢已輸掉，這限時制度再不改善，實在難以為繼。

感覺總體評價一般般囉，冇話特別好食，但係亦都唔算好難食。啲肉嘅可選都幾多嘅，品種都唔少比較鍾意食牛肉，但係佢啲豚肉就比較韌。雞肉都可以，不過可能係我腸胃比較敏感，因為食完之後隔咗幾粒鐘就開始唔係咁舒服。同朋友一齊唔單止嗌咗烤肉仲嗌咗佢哋啲冷麵個冷麵都幾好食嘅升級到高啲嘅套餐就可以嗌啦！反而覺得啲面啲熟食會比較好食，同埋佢嘅雞塊都可以。甜品方面就比較單一冇咁多甜品配菜都係一般般，但係啲照燒汁就可以嘅攞嚟搭配烤肉，有埋熱湯可以潷嚟飲。總體黎講都OK！

呢日下晝陪小朋友出開荷里活廣場玩充氣彈床,玩之前陪佢食咗野先我地揀咗60分鐘午市定食叫完餐就可以出去自助區攞沙律,前菜,白飯,湯,飲品,甜品,醬汁,配料等等自助區選擇唔算多,都係比較大路嘅食材而肉類就由飛機✈️送過嚟牛五花定食 $68質素一般 無乜牛味牛肋肉定食 $88牛味唔算突出不過肉質尚可接受甜品就只有芝士撻&朱古力蛋糕揀我淨係試咗芝士撻,口感較硬,味道一般,唔算太甜#openrice#hkfoodie

行山後來吃晚飯補充一下，現時太多餐廳吃飯限時，感覺很不爽，於是到了這家兩小時放題的試試。這放題最大優點不是限時長達兩小時，而是額外加45元可𣈱飲清酒和啤酒，飲酒不多亦感到賺了。自助時間主力燒牛、牛肋肉似乎最美味了，牛舌也不錯。而至於牛味，實在不可能牛味重，只能說牛肉嫩滑算不錯吧！燒豬的熟透度不是十分掌握，所以落單不多。外面還有炸雞塊、炸丸和各式小吃、蔬菜。最終吃得太飽，差點兒走不動，但仍吃了雪糕。那是一場真正的大吃大喝。

十月一日紅日嚟咗呢間新開無耐嘅燒肉任食放題，本身拍好多人，所以一早book定枱，點知原來都唔係好full😂來之前我已經上網做足資料，見到大家都話服務態度好差，而且啲嘢好難食！本身心入面都淆淆地諗住嚟做試伏器🫣不過可能因為本身期望唔高，最後我感覺又冇想像中咁差喎！🥢服務⭐️⭐️⭐️態度就正正常常啦，上網啲人話佢哋態度好惡劣，我覺得又未至於！我嘅概念係，大部分放題都係差唔多咁樣十問九唔應😂🥢食物質素⭐️⭐️⭐️牛肋肉、雞腿肉都唔差，係個厚切牛舌韌到咬唔開！🥲另外，可能我哋只係Level2，食物種類就唔係好多！偷聽到隔籬枱有得叫鮑魚同埋海鮮！而且出面嘅任食蔬菜就冇乜特別，而且款式都好少！🥢環境⭐️⭐️⭐️⭐️我覺得幾靚！佢係好似某迴轉壽司店咁用一架火車送啲嘢食去你張枱隔離，都幾好笑啊，不過有幾次我都拎唔切😦而且可能新裝修無奈嘅關係環境都幾光猛同埋衛生！

約friend去鑽石山食個飯，大家勁肚餓，見到燒肉放題有85折，二話不說，中價 有牛已經好夠。自助吧有前菜泡菜熟食小食炸物，汽水機 都會有你喜歡嘅汽水，也有熱飲。坐低會先嚟一個雜錦樣樣有啲，牛肉好新鮮，薄切嘅烤一烤就食得喇，喜歡跟碗飯加紫菜，食烤肉一定唔少得。送咗個和牛嘅牛舌，店完指導，需要剪開一粒粒，面面都燒下，食落真係好唔同，有口但唔會韌，牛舌嘅香味勁正！掛住食都唔記得影相，雞髀肉都好滑，燒豬頸肉夠香口，自助吧都有啲蔬菜，粟米等等。

垃圾牛肉雪藏凍到9咁俾人食，食完仲要第二朝肚痛。服務態度好差 ，千祈唔好去食。有好幾個餐單俾你揀，但係價錢係300至$400 ，啲肉嘅質素非常之差，完全冇牛肉嘅味道，叫咗個啲蜆肉係有沙，反映俾餐廳經理聽佢當耳邊風，各位千祈唔好去食呢間垃圾嘢

難食到我要開個account第一次寫食評上星期一行三人到荷李活食野，阿仔話想食燒肉，冇望食評就得走左入去。三人點左第二貴嘅餐，坐低斟杯可樂，係一丁點糖水。跟手自動上左份大大份嘅"併盤"，全部都係漢陽苑質素嘅 cheap肉片，搏你唔敢浪費食飽先。我即場叫佢收返。之後單點左啲厚切牛舌同所謂靚牛，全部係雪到凍凍硬硬嘅實肉。我叫個經理嚟問佢呢啲係乜鬼，佢話係咁，係要邊燒邊剪。我話算數我要走啦，叫但計返我呢二碟錢，佢就好為難咁收我一人錢，俾我地走，結果响食左四五舊垃圾肉俾左四百幾蚊走人。千祈唔好幫襯

首先野食難食係大罪。我地4個人叫左4個餐，當中最貴個個牛肉拼盤$158最為垃圾。骰子牛成舊冰咁打落去框框聲，未解凍到上面有冰可以掃到落黎；牛舌望落唔差但係食落口簡直好似食緊油咁0牛味；仲有另外兩舊唔知係咩嘅牛，都係無牛味同埋望落唔新鮮。最好食係最平$68嘅A餐牛五花，叫做有味可以食下咁，其他都係又韌又無味(無牛味無調味)，成舊擦紙膠咁。自助吧嘅湯成啖味精味，飲水好過。成間鋪頭最好食係自助攞嘅甜品macaron，不過細舊到一節手指公都無，真系滴汗。—。；其次服務態度差罪加一等。一開始講左60分鐘限時，然後我地攞左menu睇下食咩先。期間店員一直企係隔離無走過，係咁sell我地食放題，但係由於真係食唔落，珍惜食物我地都係揀左套餐。估唔到一掃QR code，全部最平最少我地食得落嘅全部售罄。第一次落單唯有焗住揀左個貴啲嘅，跟著再落多次，姨？突然間全部唔售罄啦？全部套餐可以揀返曬。咁樣嘅銷售手法係咪恰當既呢？最後用餐體驗極度唔好，令到成個人食得超有壓力唔舒服。仲未食完啲人已經快快手幫你執曬啲嘢走，限時仲有10分鐘嘅時候比左單叫我地埋，埋完之後間舖都算空，仲有成排檯無咩人想坐多陣已經比人趕走，好

今日又嚟食燒肉放題！暫時戒牛肉，所以食豬肉同雞肉既放題任食！頭盤食個自助沙律🥗，鍾意肉類有鹽醬！味噌！醬汁！選擇！熟食仲有章魚燒👍🏻價錢抵食👍🏻120分鐘夠晒食！仲有最新既飛機送餐！方便👏👏👏

牛又硬又沒有味道👎反而豬肉比較出色。熟食不行。兩小時任食，過左時限，OK我地埋左單，想繼續坐一陣飲下嘢，點知服務員走黎夾手夾腳清檯，叫我地離開，但當時餐廳仲有其他食客食緊，出面又冇人等位，又未到收舖時間，點解要咁樣趕人走？好冇禮貌！😳覺得我地阻你收工都唔係咁做掛？！

等左半年左右，荷里活廣場間牛八終於裝修完開返啦！佢同隔離間shabu shanu掉左位 （應該同一老細），店鋪比以前多左位，設計亦完全新一個局面。由高貴黑暗調變左精精光猛mode.多左d食物輸送帶，用左機場跑道theme as gimmick. 會有隻飛機✈️飛出黎運餐到你枱前🤪小編第一下看見是覺得新鮮的（正面），跟住到點餐亦變左手機落單，餐牌係比裝修前貴左3成😨，由$70左右內變成$105（未加一服務費），以前既前菜、飯、醬油同野飲通通都變成自助需要自行出去裝返黎。而成程用膳都好嘈聽唔到同行既人講野⋯客路明顯唔同晒，唔再係以前多情侶同個人客戶，而係一家大細基本上每枱都有1-2個細路仔大叫⋯在生意角度，的確係好的，減少左人手亦多左人頭，不過想簡簡單單享受下不吵鬧既2人世界既小編未必會想好似以前咁成日黎食⋯當然有壞都有好ge，佢而家雖然自助，但多左d配菜畀你自由夾返埋位多左款食物可以享用，當然咁就睇下你本身大唔大食啦😛

288嘅餐，假日+20蚊，cp值超低！！所有牛豬雞都無味，上菜嘅肉仲要係雪到硬咗咗。嗌多咗個拉麵都係完全無味。出面拎野食位置又污糟，同侍應講有烏蠅🪰，佢就咁撥走佢就算。完全無換過啲野食。斟野飲嘅杯都痴住粒粟米🌽。呀仲有 枝豆都好唔新鮮 淋嘅wifi落單啲qr code都收得差，load 好耐有樣野好嘅，上菜好快，唔駛解凍呀嘛 難食到都唔想食飽，唯有格硬食啲填滿多少少個肚啦。下次真係要睇下食評，唔駛親身試伏呀嘛

真心唔建議 寧願比多少少食牛角d肉仲高質過呢間幾十倍首先d牛一黎我呆左 一睇就知冰完唔新鮮全部入口都好韌尤其係牛舌相信食過既人都知有幾伏 我都好後悔無睇食評就入左黎食............................................................

-#抵食之選游車河之際，經開久未黎過既荷里活廣場唸住覓食（我唸最近一次黎荷里活廣場應該係我十幾歲既時候），見到有間燒肉店，甘岩未到lunch時間，即刻走左入去試下，佢有放題/lunch set，最後我地揀選左lunch set，驚食吾哂，咪做大嘥鬼😛-Lunch set都有包前菜、白飯、牛湯、飲品！全部係自助區都有得任食👍🏼我地仲追加左牛舌+牛腹肉 👍🏼👍🏼👍🏼👍🏼推介阿!性價比頗高-味道: 💛💛💛💛環境: 💛💛💛💛性價比: 💛💛💛💛💛推介度: 💛💛💛💛📍 牛八和牛燒肉屋 (鑽石山)鑽石山龍蟠街3號荷里活廣場3樓311A號舖#牛八和 #燒肉 #hkfoodie #hkfood #gyuhrchi #hkkol #鑽石山 #荷里河 #泊車好去處